Ботиб бораётган куёшнинг заррин нурлари учларига тушиб турган басавлат чинорлар остида, олифтагина кийиниб олган Ҳошим лабининг учига сигаретини кистириб олганча, шошилмай одимлаб борарди. Унинг кайфияти аъло - шу кунларда омади "тўрт оёқлаб" чопмокда эди. Кечки соот саккизда анави, рўпарадаги уйдан Гулчехра чиқади. Кейин ... кейин иккалалари тонггача бутун дунёни унутишади. Буса олсам хам ажабмас, ширин тамшанди у. Бироз хаёлпарастрок, бўлган бу йигитча севги деганда ўша қизни бағрига босиш-у, бўса олишдан бўлак хеч нарсани кўз олдига келтира олмасди. "Хаёт кизик экан, -уйга толди йигит. -Нодирани илинтириб олгунча туфлимнинг таги тешилиб кетди. Уни мухаббатимга ишонтира олганимда эса, бу ёкда Гулчехра хам “пишиб" турибди. Э-эх, Гули жуда осон илинди-да! -Гулчехра, сиздек гўзалнинг ховлисини қўриклаш учун ит булишга хам жон, деб рози булардим, -дея тегишган хазилнамо гапим бир хафтада ўз кучини кўрсатди-я. Тентакнинг ишини Худо ўнглабди, деганларидек Хошимнинг ўша гапи ўз самарасини берди. Киз эрталаб уни бир четга чақирди-да: -Бугун саккиздан ҳовлимизни қўриклашга киришишингиз мумкин, -деди. Хошим учрашувни уйлаб, орзиқиб турган онда ёши ўтиброқ қолган одам унга якинлашди. -Ука, илтимос, битта чектир! -деди ялинганнамо. Хошим ундан таралаётган бадбуй хиддан бурнини жийираркан, истар - истамас оғзи очиқ "Hollywood" қутисини тутди. "Яхши, сигарет ёзувига қарамади", енгил тин олди йигит. Пачка ичига бошқа сигарета солиб олгандида. -Свидания борми? -деди нотаниш одам, анхор якинига бориб ўтираркан. -Буни каёкдан билдингиз? -хайратланиб суради йигит. -Соатингга тез-тез қараб қўйяпсан-ку, демак кимнидир кутяпсан-да, -деди ишонч билан. –Голливудга "Карвон" солволибсан, ўзингни шикарний, бойвачча кўрсатмоқчимисан? Лекин, ойимтилла қизлар сигарет маркасига қарашавермайди. Кулоғигача кизариб кетган Хошим яна хайрон: -Нега энди "ойимтилла" буларкан? Балки ўртоғимни кутиб тургандирман... -Сепган атирингни хиди кутарилиб кетмадими, деган хадикда костюминг ичини бот-бот хидлаб қўйяпсан, -шо¬шилмай жавоб килди у, - бундан, атирдан кам фойдаланишингни билса бўлади. Сендақалар факат қизлар билан бўладиган учрашувларгагина сепиб боради. Иккинчидан, ўзингни яхши кийинган културний курсатиш учун ўртоғингни туфлисини кийиб олибсан. Торрок шекилли, товонингни "ялаб" қўйибди. Шунинг учун чап оёгингни авайлаб босяпсан. Хошим чап оёгининг тўпиқлари ачишаётганини йулдаёк сезганди. -Қисқаси, бундай пўрим кийинган, совга учун атир со¬тиб олган йигит, албатта қизлар билан учрашади. Тўғрими, студент? Хошим беихтиёр чунтагини пайпаслаб куйди. Дархаки-кат, Гулчехра учун "Анис" атрини сотиб олганди. -Амаки, исмингиз Шерлок Холмс эмасми? -деди хазиллашиб. -Э, йук, -жиддий жавоб килди нотаниш кимса.- Сенга хаваси келиб турган оддий дайдиман, холос. -Ха, энди ёшликни эслаб... -Ундаймас, -рад қилди у. -Зеро, мен мухаббат осмонида сендан-да кўпрок, баландроқ парвоз этиб, кўплаб маневрлар килганман. Сен қўллаётган финтлар чўнтагимдан тушиб колганлари, холос. Мен нимага хавас киламан? Мана, сен истаган пайтингда ётогингга бориб, иссиқ кўрпага бурканиб уйқуни урасан, қорин ғамини емайсан. Качонлардир оёгинг учида кўрсатган одамларга сарғайиб, кафтингни очмайсан. Кузнинг салқин кечалари кўприклар остида тонггача қунишиб ўтирмайсан. Энг мухими, ота-онанг рухи чирқиллаб атрофингда чарх урмайди… Эх, мен сендака пайтимда кизларни кутиб шумшайиб ўтирмасдим. Киссам тўла ақча бўларди. Тагимда сутранг 06 "гижинглаб" турарди. Қандай совға олишни эса, умуман ўйламасдим "Кушча"га маъкулини олиб бераверардим Чунки, мен шахардаги энг катта бойнинг ёлгиз арзандаси эдимда. Уйлашди. Кейин бошка жойдан дангиллама уй сотиб олдим. Менда билим масаласи чатоқрок эди. Дарсларни коридорда ўқирдим Шунинг учун, бирон жойда ишлаб кетишга ақлим етмасди. Дадамдан катта пул олиб бизнес билан шуғуллана бошладим. Топишим зўр эди. Шунга яраша маишат хам бўларди. Кўчада пулни аямай совурардим-у, касал бўлиб қолган хотинимни даволатишни хаёлимгаям келтирмасдим Ўлса - ўлар, қисир хотинни бошимга ураманми, деб ўйлардим. У билан икки йил яшадик. Касали ўлимга олиб борди.
Бояқиш, бирон марта бўлсин дори олиб беринг, духтир чакиринг, демабди-я! Унга кўнглим йуклигини сезарди. Кей¬ин бошкасига уйландим. Бу хотиним собик шахар прокурорининг ажрашган қизи. Кайноғаларим эса шахарнинг катта-катта амалдорлари эди. Шу тарика ойлар ўтди, йиллар ўтди. Энди эслаб кўрсам, янги уйга кучиб ўтгандан бери бирон марта дадамни холидан хабар олмабман. Ўгай онамни, кариганда иккинчи хотин олган дадамни ёктирмай колгандим. Нотаниш кимса, "Агар дадамни кексайганда ёлгиз қолдирмаганимда, иссик-совуғидан хабардор булиб турган ўша кампирга мухтож булмасди", деган ўйдан буткул йирок эди. Аввалига унинг тарихини шунчаки, вакт ўтказиш учунгина тинглаётган Хошимнинг бутун вужуди кулоққа айланди. Хатто, ундан анқиётган бадбуй хидни хам сезмай колганди. -Отам ўлгач бир хафта ўтиб-ўтмай энг чиройли қабр тошини ўрнатдим, барча маъракаларини зўр килиб ўтказдим. Мен калтафахм, шунча сарф - харажат қилгунча, тириклигида юз сумга тўртта иссиқ нон олиб келиб, хол сурасам кунгли тоғдек кўтарилишини ўйлаб кўрмаган эканман. Нотаниш одам ўкраб юбормаслик учун лабини қаттик тишлади. Коронғуда тишлари орасидан чиккан кон корайиб кўринди. -Ўша пайтлари кетмоним учмай қолган, қўлимдаги сармоянинг таги кўриниб қолганди. Хотинимни хам (бу никохсиз яшаётган учинчи хотиним) зардаси ортиб борарди. Қарзга бўлса-да, пул топиб ишларимни йулга куйишим керак эди. Шу ниятда ошна-огайниларимникига бордим. Нихоят, ошна-оғайни дўст була олмаслигини англаб етдим Сўнгги умид андижонлик хамкорим-Абдукаримда қолди. Бордим Сафарда экан, уни кутиб икки кун қолиб кетдим. Абдукарим сафардан келасолиб ишлари юришмаётганидан нолий бошлади. Афтидан, ахволимдан хабардор кўринади. Қуруқ кайтдим. Уйга келсам эшикни бегона эркак очди. Тузуккина жанжал кўтарилди. Уларнинг никохлари тугрисидаги хужжатни кўрган худуд нозири мени олиб чикиб кетди. Нозир тушунган йигит экан. "Амаки, боринг кетаверинг. Бу сафар "ин-дамадим", кейингисидан эхтиёт булинг. Энди ёшингизга ярашадиган иш килинг", деб қўйиб юборди. "Ўл-а", дейдиган одам йук. Сўппайиб кўчада қолдим Бир тийиним хам колмаганди. Ховури босилгандир, деган илинжда аввалги хотинимникига (прокурорни қизи) кайтдим. Эшик очган сен тенги бола уйни якинда сотиб олишганини айтди. Хотинимни излаб кариндош-уруғларига учрадим "Билмаймиз" деб юзимга эшик ёпаверишди. Туйқус кўчада қўшни кампирни учратиб колдим Унинг айтишича, хотиним мен йўғимда тез-тез келиб турадиган одам билан Тошкентга кўчиб кетганмиш. Хошим ховлиқиб суради: -Дадангизнинг ховлисига бормадингизми? -Э, уни аллакачон сотиб юборганман. -Хе, ўзингизам тоза аммамнинг бузоги экансиз-да! Одамлар сигарет колдиғи ёки соч толасидан катта-катта жиноятларни очиб бераётган замонда бутун бошли бир одамни тополмай ўтирибсизми? Нотаниш одам ундан бундай таънани кутмаган чоги, ғалати қараб қўйди: -Топганим билан нима узгаради? Сен айтмокчи, суд бойликларни ярмини менга ундириб берар. Лекин, бехуда ўтган шунча умримни ким ундириб беради, ким? У гanп сўнгида деярли бақириб юборди. Хошим унга, нега менга бақирасиз, дегандек норози қараб қўйди. -Бехуда сарфлаган пулларингизни хеч ким топиб беролмаганидек, умрингизни хам хеч ким кайтаролмайди. Оқар сувлар оқиб кетди лойи қолди. -Ха, тугри, -деди нотаниш одам бушашиб, -умрим ўтиб манзилга етдим шекилли. Тунлари ота-онам тушимга кириб, ўзларига чорлашяпти. Кандайдир кўринмас шарпа атрофимда гирдикапалак булиб: -Сувни шунча лойқалатганинг етар, бу дунёни тарк эт! -деб мияга "тепяпти". Шу пайт нарирокдаги чинор ортига шарпа ўтгандек бўлди. Ҳошим "Узр" деб ўрнидан қўзголди. -Ха, қилмиш - қидирмиш, деб шунга айтсалар керак-да, -Хошим камсухбатидан узоклашаркан, ўзича шундай хулоса ясаган бўлди. Унинг гап оханги эса "Баттар бул!" деяётганини билдириб турарди. Бу ёш кахрамонимиз хам донишманд эмасди. Ўзининг кимлиги-ю, бу ерга нима мақсадда келгани ва қилаётган иши қандай аталишини тахлил килиб ўтирмади. Чинор ортида хеч ким йук экан. Ичида Гулини яниб ор¬тига ўгирилган йигит бояги ўтирган жойларида хеч кимни кўрмади. -Тавба, ерга кириб кетдими!? Ёки ўзини сувга отдими? Аммо, сув лабига бориб карашга юраги дов бермади.
Нотаниш одам айтган кўринмас шарпа боши узра уни кузатаётгандек бўлаверди. Хозир дахшатли воқеа юз берадигандек оёқ-қўли дир-дир титрай бошлади. Юраги така-пука бўлаётган йигит Гулчехрани хам, ўзини анхорга отган нотаниш кимсани хам унутиб, бу ердан жунаб қолди.
Дониёр АҲМАДЖОНОВ.
Присоединяйтесь к ОК, чтобы подписаться на группу и комментировать публикации.
Комментарии 4