Бир аёл шундай хикоя қилади: Бўйим етгач, Отам олти йил мобайнида қўлимни сўраб келганларнинг барига рад жавобини берарди. У киши ҳар бир эшик қоқиб келган совчи йигит билан меҳмонхонамизда ўзи алоҳида суҳбатлашарди. Суҳбатлари одатда ярим соатга бориб бормасди. Совчи йигит кетиши биланоқ онам шошганча: бу сафар нима бўлди?, деб сўрардилар. Отам эса Менга унинг маҳри маъқул келмади, насибаси бизнинг оиламиздамасакан, деб жавоб қайтарардилар. Тўғриси вақт ўтгани сайин отамнинг бу гапларидан каттиқ қайғуга туша бошладим, гўёки бахтимга тўғаноқ бўлаётганидан ичимда у кишига нисбатан аччиқ пайдо бўла бошлади. Ўзимча Одам шу даражада ҳам моддий бўладими, биргина қизининг бахтини ўйлаган одам куёвдан имконсиз миқдорда маҳр талаб қилиш ақлданми?! деб ўзимга савол берардим. Шундай қилиб, гўё қандайдир мўъжиза юз бердию отам келганларнинг бирига розилик берди ва тўйимиз бўлиб ўтди. Аммо куёв менга қанча маҳр берганини отам бизга билдирмади.
Ҳайрон қоларлиси турмуш ўртоғим ўзидан олдинги совчиларга нисбатан ўртаҳол балки камбағалроқ ҳам эди. У киши ҳам қанча маҳр берганини менга айтмади. Орадан ўн йил ўтди. Эримдан бирор бир ёмонлик ёки зулм кўрмадим. Аксинча менга фақат меҳр ва муҳаббат улашарди.
Ёшим катталашаётган бўлишига қарамай кўринишим анча ёш кўринарди. Шубҳасиз бунинг сабаби эримнинг менга бўлган эътибори деб ўйлайман.
Отам қазо қилди... Таъзиялар тугагач эрим ёнимга келиб мени бағрига босиб: Кичкинагинам, ҳафа бўлма!, деди. Унинг кичкинагинам деган сўзидан ҳайрон бўлдим. У менга қараб яна Ҳа, кичкинагинам, ўшанда қўлингни сўраб сизларникига борганимда раҳматли отанг: Қизимга уйланиш учун қандай маҳр бероласиз, деб сўраган эди. Мен бироз ўйланиб: Эй амаки, менинг бойлигим кўп эмас, лекин қасам ичиб айтаманки қизингиз ҳаттоки сизни йўқотиб қўйса ҳам етимликни ҳис қилмайди, унга худди отанинг ўз қизига меҳр бергандек меҳр беришга ваъда бераман, деб жавоб бердим. Шунда у кишининг юзига табассум югуриб: Қизимни сенга бердим, деган эдилар.
Присоединяйтесь к ОК, чтобы подписаться на группу и комментировать публикации.
Комментарии 8