4.
Вуліца Савецкая - прыгожы праспект Узды з шасцю палосамі руху (па тры ў кожным напрамку). Не кожны райцэнтр можа пахваліцца такім. Старажылы прыгадваюць факт: аналагам Савецкай стаў адзін з праспектаў Мінска, які былы архітэктар
Генадзь Антонавіч Аксенчык мераў крокамі. Адным словам, рабілі на перспектыву. I яно сябе апраўдала, асабліва сёння, калі ў многіх гараджан ёсць асабісты транспарт.
5.
Вы ведаеце, дзе знаходзіцца
Малая Узда? Паводле карт Генштаба, гэта мікрараён прыватнай забудовы вуліц Лугавой, Кастрычніцкай, Пекарэвіча, Зарэчнай, Калгаснай. Магчыма, там калісьці знаходзілася невялікая вёска з аднайменнай назвай, якая пасля пашырэння межаў Узды стала яе часткай і дала назву мікрараёну. Гэта толькі нашы меркаванні, а можа, і чарговая тэма для даследавання - час пакажа.
6.
3 1999 года ў райцэнтра з’явіўся свой заступнік на нябёсах -
Міхаіл Навіцкі. Ён быў прылічаны да ліку свяшчэннамучанікаў. Згадзіцеся, рэдка які населены пункт можа мець хадайніка аб сабе на нябёсах, які б кожныя дзень і ноч маліў Бога дараваць не толькі тым, хто яго замучыў, але і ахоўваць горад, які яму перададзены. У раённым музеі захоўваюцца царкоўныя кнігі з асабістым подпісам святара, па якіх ён пры жыцці вёў службы. Ёсць рукапісы і дакументы. Лічыцца, што, дакрануўшыся да гэтых рэчаў, чалавек атрымае палёгку ў справах, паправіць сваё здароўе, духоўна ўзбагаціцца.
7.
На уздзенскай зямлі ў 1895 годзе нарадзіўся
Мошэ Файнштэйн - лідар яўрэйства ЗША і адзін з буйнейшых рабінаў XX стагоддзя, які пахаваны ў Іерусаліме (Ізраіль). У гэтым жа горадзе знайшла свой апошні прытулак знакамітая ізраільская паэтэса
Барон Двора, якая нарадзілася ва Уздзе ў 1887 годзе.
8.
Да 1770 года ў вёсцы Магільна жыў і працаваў Шлойме Хайман, больш вядомы як
Саламон Маймон, вядомы еўрапейскі філосаф-асветнік, які ў 25-гадовым узросце пераехаў жыць у Германію. Творы Маймона высока ацэньвалі такія тытаны эпохі, як Кант, Гётэ, Шылер, Фіхтэ.
Можа стацца так, што мы штосьці ўпусцілі. Будзе прыемна, калі вы, паважаныя чытачы, дапаможаце нам у пошуках цікавых фактаў. Упэўнены, што ў кожным куточку знойдзецца свая асаблівасць, пра якую хацелася б расказаць.
Наталля КЛІМОВІЧЧЫРВОНАЯ ЗОРКА, 25 мая 2018
Нет комментариев