Предыдущая публикация
Видео
Похожие видео
Рекомендации для вас
02:20
Ольга Сусорева Ине Нармунь
564 просмотра
00:33Ине нармунь
(фольклоронь морамо лувтнень коряс)
Сак, монь ялгинем, Мартом кортамо.
Вант, кодамо чись –Палы-вандолды.
Варштак, ялгинем: Ве пандонть прясо,
Лейчиренть вакссо Касы чувтыне,
Лемезэ сонзэ «Эрямонь чувто».
Ундокстнэ – рашковт, Тарадтнэ – сэрейть.
Сон эри-лекси, Нолась ламоксты.
Эрьва лопинесь – Эрямонь кине,
Эрьва килангось – Ломанень ойме.
Варштак, ялгинем, Те чувтонть прясо –
Ине нармунне. Ине нармунесь –
Пазонь мазыйкась. Сон моры-гайги –
Цёковт виздевти, Чоледи истя,
Мик Седейс токи. Рунгось зыйк мери,
Кунсолозеват. Аштек, оинем,
Те, некак, а он. Ужо, ялгакай,
Монень маряви, Менель нармуннесь,
Сон мазый толгась Кортамо кармась
Ломань вайгельсэ: «- Тонь раськень эйдеть
Превест чополгадсть, Седеест чувтомсть,
Лоткасть марямо. Лоткасть марямдо
Пазонь вайгеленть, Кона оймесэст
Тарди-мелявты. А сатны сыненст
Вечкемань виесь, Чоподась эйсэст
Кершазь керсекшни. сынст эйстэ Валдось
Теи Ломань Тюс». «- Сюконян тонеть,
Сырнень валот кис, Менель-мазыйка,
Сынь пештизь оймем, совинь Лембес мон.
Ёвтан весенень, оймест панжовтсынь.
Ансяк, мазыйка, Пачтик Пазонтень:
«Илязо стувто Стака шкатнестэ
Монь раськень чувтонть, Кадык чанстезэ
Лангсонок карми. Ды сравтовозо
Мастор лангова Сонзэ вечкемась…»
Ольга Сусорева
Свернуть
