Жыровічы. Міфы і факты пра манастыр за 4 хвіліны. Гісторыя Беларусі ў акварэлі.
У гэтым відэа вы на свае вочы ўбачыце, як ажывае гісторыя Жыровіцкага манастыра. А дапаможа ў гэтым унікальная тэхніка "лічбавая акварэль". Пра яе чытайце ніжэй у апісанні відэа.
Жыровіцкі манастыр з’яўляецца найбуйнейшым праваслаўным ансамблем на тэрыторыі Беларусі. З яго заснаваннем звязана цудоўная гісторыя, якую вам раскажуць Ян і Юлія. А яшчэ напрыканцы відэа вы даведаецеся, чаго трэба асцерагацца ў Жыровічах.
У 1470 годзе ў лесе бліз месца пастухі заўважылі яркае святло, што прабівалася скрозь галіны грушы-дзічкі: на дрэве зіхацеў маленькі абраз Маці Божай з дзіцяткам Езусам. На месцы з’яўлення Жыровіцкага абраза з пашанаю збудавалі драўляны храм, але ў 1520 годзе здарыўся моцны пажар, што знішчыў святыню, а абраз сярод попелу так і не знайшлі.
Аднойчы пасля заняткаў мясцовыя дзеці пайшлі да ўзгорку, дзе ўбачылі на вялікім камені Багародзіцу ў прамяністым ззянні, а ў яе руках – страчаную святыню – гэта і стала другім з’яўленнем Жыровіцкага абраза.
Пасля на месцы каменя, дзе явіла сябе Багародзіца, заснавалі манастыр. У 1613 годзе ён перайшоў у рукі базыльянаў, якія адрадзілі культ Маці Божай і зрабілі манастыр галоўным цэнтрам Берасцейскай вуніі. Першым ігуменам манастыра стаў вядомы рэлігійны дзеяч ВКЛ Іасафат Кунцэвіч, святы мучанік, які змагаўся дзеля распаўсюджвання ўніяцтва на беларускіх землях. За гэта яго забілі віцебскія гараджане ў 1623 годзе, праз што горад страціў усе прывілеі.
А пасля намаганнямі базыльянаў за перыяд XVII-XVIII стагоддзя быў узведзены вялікі манастырскі комплекс з мураваных храмаў выбітнай барочнай архітэктуры – галоўны цэнтр уніяцтва Беларусі.
Падчас Другой сусветнай вайны старажытны абраз выратаваў Жыровіцкі манастыр ад немцаў. Хроніка манастыра распавядае нам яшчэ пра адно з'яўленне абраза ўжо ў ХХ стагоддзі. Як толькі немцы зрабілі ў храме склад боепрыпасаў, ноччу вартавыя сталі бачыць тут Жанчыну, якая загадвала пакінуць манастыр і апасля таямніча знікала. Немцы лічылі яе партызанкай, але калі правялі вобыск – убачылі абраз Божай Маці і пазналі ў яе абліччы незнаёмку. Пасля таго, на здзіўленне манахаў і мясцовых жыхароў, салдаты сыйшлі з мястэчка і больш туды не вярнуліся...
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.