Такой колькасці жадаючых уліцца ў вір свята горад Свіслач, бадай, не бачыў даўно. На рэспубліканскі каравай-фэст “ Бацькава булка “ райцэнтр запрасіў у трэцці раз. З кожным годам ён пашыраецца, набірае моц і сілу, становіцца ярчэйшым і прыгажэйшым. Што і казаць – прыгожае мерапрыемства становіцца любімым і жаданым святам не толькі для жыхароў райцэнтра. На яго спяшаліся з самага рання з усіх куточкаў нашай краіны. Да яго пачатку амаль што ў кожным раёне Рэспублікі скончылася жніво. Нашы хлебаробы намалацілі багаты ўраджай. І гэта стала яшчэ адной нагодай каб аддаць даніну самаму смачнаму сімвалу нашага жыцця – хлебу !