1.Мĕншĕн эс салху паян тăванăм Сăн-питÿ хаваслăччĕ ĕнер. Ĕç патне аллу пымасть и санăн? Сывлăху хавшарĕ-и? Пĕлтер! Темĕн чул çусан та сивĕ çумăр Пурпĕр вăл вĕçленнĕ-вĕçленмен. Йăлтăркка хĕвел çыхса сар тутăр Ăшшăн кулĕ пĕлĕт хыçĕнчен. 2.Пурнăç хирĕпе утса тухаймăн Тутанмасăр йÿçĕ çимĕçне. Йăнăшать этем – нимех тăваймăн Такăнать ыр ут та хăш чухне. 3.Ашкăнат-и шухă çил-тăман Кармашат çÿле лаштра юман. Авалтан кун - çул йĕрки çапла Тăвалла пулсан та малалла.