Предыдущая публикация
Видео
Похожие видео
Рекомендации для вас
03:05
Нурсема Моро (текст) - Олёш
5 просмотров
2 янв 2024Слова: Римма Жегалина, Мария Ерёмина
Войнась эрямонтень совась,
Зыянось, кажось.
Чоподасонть лайши вармась,
Ды нувси кудось.
Пайстомо авинесь сизесь,
Лавсенть сон нурси,
Ансяк вишкине эйдинесь
Сонзэ кунсолы:
«Эйдем, удок. Весь чопода.
Вакссот монсь удан.
Ванды андтан тантей товдо,
Нармушка кундан.
Кунсолок, ёвтамс теть шказо:
Тетят тонь а сы…
Аштека, толс чевнеть лазан,
Тютю-бай, люли!
Кавто иеть ней уш ютасть,
Кода калмсо сон.
Ломанть видсть, изасть ды сокасть,
Кадовинь ськамон.
Чиремсь кудось, прась латозо,
Модантень коми.
Пултый ризкс совась потмозон,
Тютю-бай, люли…»
Чоподасонть вармась лайши,
Ды кудось уды.
Зярдо валдось тей пачкоди?
Парось зярдо сы?
Эйдесь онстонзо мизолды,
Матедевсь авась.
Сазо тенст кемема вандыс,
Сазо уцяскась!
Свернуть
