Мирзиёев солиқчиларга: "Ўғри бўл, инсофли бўл" - BBC O'zbek
Президент Шавкат Мирзиёевнинг солиқчиларни "тузлаган" видеоси интернетга сиздирилган. Шу йилнинг 22 июнида Фарғона вилояти раҳбарияти ва фаоллари билан йиғилишда гапирган Мирзиёев Солиқ қўмитаси раиси Ботир Парпиевнинг аризасини қабул қилмаганини айтган.
Солиқчиларга қараб гапирган Мирзиёев уларни ўғрилик ва адолатсизликда айблаган.
"Уч йил ишламасдан 4 қаватли уй қурасан ҳамманг, 20 та машина оласан. Қаердан? Ойликдан оласанми? Сал инсофли бўлгин. Ўғри бўл, инсофли бўл сал. Шу вақтгача қарсак чалиб келдик", деган Шавкат Мирзиёев.
4 ой олдин марказий телевидениеларда кўрсатилмаган мажлиснинг бу қисми нима сабабдан энди сиздирилгани номаълум.
Кузатувчилар ушбу сиздиришни Рустам Азимовнинг ишдан олиниши билан боғлиқ ҳолатга ўхшатишган.
Ўшанда Мирзиёев томонидан Рустам Азимов танқид қилинган аудио ёзув бир неча ой ўтиб интернетга сиздирилган эди. Сиздирилш ортидан кўп ўтмасдан Рустам Азимов ишдан олинган.
Генераль-лейтенант Ботир Парпиев 2004 йилдан бери Солиқ қўмитасиини бошқариб келади.
Фарғонадаги мажлисда Мирзиёев Солиқ қўмитаси ходимларини кескин қисқартириш ҳақида қарор тайёрлаётганини билдирган.
Кўп зтмасдан солиқчиларнинг оммавий ишдан бўшатилаётгани ҳақида хабар чиқди.
Би-би-си Ўзбек хизматининг видеоларини www.bbcuzbek.com да ҳам кўришингиз мумкин.
Показать еще
Присоединяйтесь — мы покажем вам много интересного
Присоединяйтесь к ОК, чтобы посмотреть больше интересных видео и найти новых друзей.