Կյանքի 85֊րդ գարնան զաարթոնքին կյանքից հեռացել է մեր շատ սիրելի Ռիտա Հովհաննեսի Գյոզալյանը: Մեր ստեղծագործական ողջ թիմի անունից ցավակցում ենք բոլոր հարազատներին:
Ռիտա Գյոզալյանի դերն ու նշանակությունը մեծ էր Շամշադինի զարգացման գործում: Չինչինի գեղատեսիլ բնաշխարհում ծնված աղջնակը հետագայում բնակվելով Տավուշ գյուղում, երբեք չկարողացավ կտրվել իր ծննդավայրի ծաղկաշատ դաշտերից և հայրական բնօրրանից: Այդ սերը նա արտահայտել է իր բազմաթիվ ստեղծագործությունների մեջ: Ասմունքել է, երգել, նկարել, պատմել և արել ամեն հնարավորը, որպեսզի արտահայտի իր սերն ու նվիրվածությունը հայրենի բնօրրանին:
Լավագույն դուստր, կին, մայր, տատիկ, պետական, հասարակական գործիչ, մաքառող հայուհի, ով իր 85 գարունները մի ակնթարթի մեջ նվիրեց իր հայրենիքին:
Աստված հոգիդ լուսավորի ՄԵԾ ՀԱՅ։