Страстная седмица, Великий Вторник.
Великий пост. Монастырский устав: cухоядение (хлеб, овощи, фрукты)
Прп. Марии Египетской (522).
Прп. Евфимия, архим. Суздальского, чудотворца (1404).
Прп. Варсонофия Оптинского (1913).
Сщмч. Сергия пресвитера (1938).
Новомч. схиеп. Макария (1944) и Михаила (Миши) юродивого (1931).
Мч. Авраамия Болгарского, Владмирского чудотворца (1229).
Прп. Геронтия, канонарха Печерского, в Дальних пещерах (XIV).
Прп. Макария, игумена Пеликитской обители (ок 830).
Мчч. Геронтия и Василида (III).
Прав. Ахаза.
Свт. Мелитона, еп. Сардийского.
Св. Прокопия, еп. Сазавского (1053).
Преп. Иоанна Шавтели, епископа Гаенатского (XII-XIII) и Евлогия-пророка, юродивого (Груз.).
Мч. Тевдрика Тинтемского.
Чтения дня
Матфея 22:15-23:39
Матфея 24:36-26:2
ТРОПАРИ
Великий Вторник. Тропарь, глас 8.
Се, Жени́х гряде́т в полу́нощи,/ и блаже́н раб, его́же обря́щет бдя́ща,/ недосто́ин же па́ки, его́же обря́щет уныва́юща./ Блюди́ у́бо, душе́ моя́,/ не сном отяготи́ся,/ да не сме́рти предана́ бу́деши,/ и Ца́рствия вне затвори́шися,/ но воспряни́ зову́щи:/ Свят, Свят, Свят еси́, Бо́же,/ Богоро́дицею поми́луй нас.
Кондак, глас 2.
Час, душе́, конца́ помы́сливши,/ и посече́ния смоко́вницы убоя́вшися,/ да́нный тебе́ тала́нт трудолю́бно де́лай, окая́нная,/ бо́дрствующи и зову́щи:/ да не пребу́дем вне черто́га Христо́ва.
Прп. Марии Египетской. Тропарь, глас 8.
В тебе́, ма́ти, изве́стно спасе́ся, е́же по о́бразу,/ прии́мши бо крест, после́довала еси́ Христу́/ и, де́ющи, учи́ла еси́ презира́ти у́бо плоть, прехо́дит бо/ прилежа́ти же о души́ ве́щи безсме́ртней./ Те́мже и со Áнгелы сра́дуется, преподо́бная Мари́е, дух твой.
Ин кондак, глас 3.
Блу́дами пе́рвее преиспо́лнена вся́ческими,/ Христо́ва неве́ста днесь покая́нием яви́ся,/ а́нгельское жи́тельство подража́ющи,/ де́мона креста́ ору́жием погубля́ет./ Сего́ ра́ди Ца́рствия неве́ста яви́лася еси́, Мари́е пресла́вная.
Кондак, глас 4.
Греха́ мглы избежа́вши,/ покая́ния све́том озари́вши твое́ се́рдце, сла́вная,/ пришла́ еси́ ко Христу́,/ Сего́ Всенепоро́чную и святу́ю Ма́терь/ Моли́твенницу ми́лостивную принесла́ еси́./ Отону́дуже и прегреше́ний обрела́ еси́ оставле́ние/ и со Áнгелы при́сно сра́дуешися.
Прп. Евфимия, архим. Суздальского, чудотворца. Тропарь, глас 3.
Я́ко светоза́рная звезда́,/ прише́л еси́ от восто́ка на за́пад,/ оста́вив оте́чество твое́, Ни́жний Но́вград,/ и, доше́д богоспаса́емаго гра́да Су́ждаля,/ в нем оби́тель сотвори́л еси́,/ и собра́л еси́ мона́хов мно́жества,/ и, прие́м дар чуде́с от Бо́га, о́тче Евфи́мие,/ был еси́ о Христе́ собесе́дник/ и спо́стник преподо́бному Се́ргию./ С ни́мже у Христа́ Бо́га испроси́ нам здра́вие, и спасе́ние,/ и душа́м на́шим ве́лию ми́лость.
Кондак, глас 2.
Волне́ний мно́жество невла́жно преходя́,/ безпло́тныя враги́ струя́ми слез твои́х погрузи́л еси́,/ Богому́дре Евфи́мие преподо́бне,/ тем и чуде́с дар прия́л еси́,/ моли́ непреста́нно о всех нас.
Мч. Авраамия Болгарского. Тропарь, глас 4.
Днесь, благове́рнии лю́дие, соше́дшеся,/ восхва́лим до́бляго сего́ му́ченика и страда́льца Авраа́мия,/ сей бо, укрепля́ем си́лою Бо́жиею,/ ду́шу свою́ положи́ за Христа́,/ мно́го пострада́в от злове́рных болга́р./ Сего́ ра́ди от Го́спода вене́ц прия́т/ и ны́не предстои́т Ему́/ и мо́лится о гра́де сем/ и о всех нас, чту́щих па́мять его́.
Ин кондак, глас 3.
Укрепи́вся, сла́вне, любо́вию Госпо́днею/ и Того́ честны́й Крест на ра́мо взем, и́го Госпо́дне,/ посрами́л еси́ диа́воля кова́рствия/ и пострада́л еси́ да́же до сме́рти,/ и сего́ ра́ди, досточу́дне, яви́ся страда́лец вели́к, Авраа́мие,/ и ору́жником храбротаи́нник/ и уча́стник Бо́жия благода́ти.
Кондак, глас 8.
Я́ко многоце́нное сокро́вище,/ принесе́но бысть от Болга́рския страны́ во град Влади́мир/ пречестно́е те́ло твое́, му́чениче Авраа́мие,/ и́мже подае́ши всем чту́щим пресла́вную па́мять твою́ оби́лие исцеле́ний,/ предсто́я на Небеси́ Христу́ Бо́гу/ и моля́ Его́ о спасе́нии душ на́ших.
Прп. Геронтия, канонарха Печерского, в Дальних пещерах. Тропарь, глас 3.
Всечестны́й канона...