Утоли моя печали

Пречистая Дева Блаженная,
Царица небес и земли,
Во веки Преблагословенная,
Печали моя утоли!
Моли обо мне Вседержителя,
Ты Матерним словом Своим,
Умилостивишь Спасителя,
Я буду от зла невредим.
О, Дева Святая, Преславная,
Рабов Своих бед свободи,
И паству Христа православную,
Покровом Своим огради!
Иподиакон Олег Смирнов
Тропарь, глас 5
Утоли болезни / многовоздыхающия души моея, / утолившая всяку слезу от лица земли: / Ты бо человеком болезни отгониши / и грешных скорби разрушаеши, / Тебе бо вси стяжахом надежду и утверждение, / Пресвятая Мати Дево.
Кондак, глас 6
Не ввери мя человеческому предстательству, / Пресвятая Владычице, / но приими моление раба Твоего: / скорбь бо обдержит мя, / терпети не могу демонского стреляния, / покрова не имам, / ниже где прибегну, окаянный, всегда побеждаем, / и утешения не имам разве Тебе, Владычице мира, / упование и предстательство верных, / не презри моление мое, полезно сотвори.
Молитва Пресвятой Богородице в честь иконы Ея «Утоли моя печали»
Надеждо всех концев земли, Пречистая Дево, Госпоже Богородице, утешение мое! Не гнушайся мене, грешнаго, на Твою бо милость уповаю: угаси ми пламнь греховный и покаянием ороси изсохшее мое сердце, очисти ум мой от греховных помыслов, приими мольбу, от души и сердца со воздыханием приносимую Тебе. Буди о мне Ходатаица к Сыну Твоему и Богу и укроти гнев Его матерними Твоими молитвами, душевныя и телесныя язвы исцели, Госпоже Владычице, утоли болезни души и тела, утиши бурю злых нападений вражеских, отъими бремя грехов моих, и не остави мене до конца погибнути, и печалию сокрушенное сердце мое утеши, да славлю Тя до последняго издыхания моего. Аминь.