--Ҷавоне хонадор шуд. Рӯзи
дуввуми хонадорӣ дӯстони ҷавон як гӯсфанди комили кушта ва пӯсткандаро оварданд. Ҷавон ба ҳамсараш амр кард, ки гӯсфанди комилро пухта, барои ӯ ва дӯстонаш тайёр намояд.
Ҷавонзан дар ҷавоб гуфт, ки маҳорати пухтани гӯсфанди комилро надорад. Ҷавон дар ғазаб шуд, ки ҳамсараш ноӯҳдабаро аст ва амр кард: - Либосу чизҳоятро тайёр кун, ба хонаи падараш бармегардӣ. Ба ман ҳамсари ноӯҳдабаро
лозим нест, ки гӯсфанд пухта натавонад. Ҷавонзанро назди падараш оварду гуфт: - Аввал духтаратонро ҳамчу зан пухтупазро омӯзед, баъд ба шавҳар диҳед.
Чун падар қиссаро шунид, гуфт: - Боке нест, худи ҳозир ман бо модараш пухтани гӯсфандро ба духтарамон меомӯзем. Бихез, дар оғил як қӯчқори калоне ҳаст, бирав ва онро кушта, пӯсташро ҷудо кун, мо дегу оташдонро тайёр мекунем. Ҷавон гуфт: - Аммо ман гӯсфанд кушта
наметавонам. Падари духтар гуфт: - Ин тавр бошад, бирав ва ба падару модарат бигӯй, ки сараввал ба ту маҳорати мардонаро омӯзанд, пас дар маҳорати занонаи ҳамсарат айб биҷӯй. Чунин аст ҳолати ҳар яки мо, худ комил нестем, вале дар ҷустани айби дигарон маҳорати баланд дорем. Агар инсон айби худ бидонад, ҳеҷ гоҳ паи айби дигарон нахоҳад рафт. Паёмбар
саллаллоҳу алайҳи ва саллам мегӯянд: "Яке аз шумо чангеро
дар чашми мардум мебинад,
вале решаи калонро дар чашми худ фаромӯш мекунад". Ривояти Ибни Ҳиббон бо санади саҳеҳ.
Присоединяйтесь к ОК, чтобы подписаться на группу и комментировать публикации.
Комментарии 21
Дар чахон инсоне бе айб нест