Пӗтӗм тӗнчери сӑвӑҫсене ҫыхӑнтаракан конкурс фестивалӗ ҫурла уйӑхӗн 1-4-мӗшӗсенче Ростов облаҫӗнче иртет. Унта Раҫҫейри, Беларуҫри тата Раҫҫей йышне кӗнӗ ҫӗнӗ регионсенчи, ҫавӑн пекех Кӑркӑсстанри, Китайри т. ыт. те сӑвӑҫсем сӑвӑ ҫырассипе тата пӗр-пӗрин хайлавӗсене тӑван чӗлхене куҫарассипе ӑмӑртаҫҫӗ.
Чӑваш Енрен Лариса Петрова тата Дмитрий Трофимов сӑвӑҫсем хутшӑнаҫҫӗ. Лариса Петрова "Хыпар" хаҫатӑн хыпарсен службинче ӗҫлет, ЧР профессионал писателӗсен союзӗн членӗ. Дмитрий Трофимов вара Шупашкар районӗнчи Ача-пӑча пултарулӑх шкулӗн театр уйрӑмӗнче тӑрӑшать.
Конкурс виҫӗ тапхӑрпа иртет. Пӗрремӗшӗнче жюри хутшӑнакансен ӗҫӗсене пӑхса тухнӑ, тивӗҫлисене суйланӑ. Иккӗмӗш тапхӑрта – куҫару ӗҫӗсем. Виҫҫӗмӗш тапхӑр вара паян иртнӗ – финалистсем хӑйсен сӑввисемпе сцена ҫинчен паллаштарнӑ.
Присоединяйтесь к ОК, чтобы посмотреть больше фото, видео и найти новых друзей.
Комментарии 14