Бир гўдак йиғлайди юракда алам,
Дардига чидолмас кўҳна бу олам.
Бир етим дардидир бу ёзган нолам,
Кўксига етим деб тамға босганлар,
Отаю Онаси ташлаб кетганлар.
Ўтса ҳам орадан ойлару-йиллар,
Илтижо қилишдан тўхтамас тиллар.
Танаси соғ лекин ҳастадир диллар,
Меҳрга зор бўлиб ёлғиз ётганлар,
Отаю Онаси ташлаб кетганлар.
Афсуски доимо кўзларида нам.
Соғиниб туради тушларида ҳам.
Баъзида уларга қилади алам.
Кимнидир келишин муштоқ кутганлар,
Отаю Онаси ташлаб кетганлар.
Кулиб яшай деса ҳатто кулолмас,
Отаю Онаси кимдир билолмас.
Соғиниб кетса ҳам бир бор кўролмас,
Кечаси ухлолмай зардоб ютганлар,
Отаю Онаси ташлаб кетганлар.
Етим деб ҳар кимса нуқтаса бармоқ,
Топилмас бирорта ҳолини сўрмоқ.
Насб қилармикан Онасин кўрмоқ,
Тентираб кўчада сарсон кезганлар,
Отаю Онаси ташлаб кетганлар.
Кимларди зор бўлар бир парча этга,
Кимлардир ўз пуштин чиқарар ётга.
Қиёмат қоимда ташланар ўтга,
Бировга фарзандин пулга сотганлар,
Боласин кўчага ташлаб кетганлар.
Присоединяйтесь к ОК, чтобы подписаться на группу и комментировать публикации.
Нет комментариев