Предыдущая публикация
Кенер вӧзаз пересь пуке,
Бон, пуконэз но ачиз кадь.
Мар ке понназ со вераське-
Вӧзаз нокин но ӧвӧл кадь.
Кияз льӧмпу бодыеныз
Мар ке но со суредаське.
Тодматскеме потӥз суредэныз,
Тодэм потӥз, кинэн со вераське.
Кыштыр лыктӥ пересь доры —
Адӟе синмы, мар суреда боды,
Вераськемзэ кылэ ини пельы,
Ас веранзэ сӥзе кинлы.
"Озьы, Миквор, ӧй кӧлы кадь туннэ,
Толло тырысь кускы висе.
Лумбыт поръяй чугунэз утчаса,
Син азьысьтым, лешак, ыше.
Мон изьыдэ дасяй туннэ,
Кезьыт вуэ, кынтод йырдэ.
Пурысь гонлэсь керттэм пӧзьме
Миськи, тон тодӥськод на ук сое?
Картошкаме ӧй мертты ни туэ,
Трос шат мыным, оглы, кулэ?
Бускель сётӥз кык-куинь ведра,
Салам тыныд Сандыр вера".
Пуке пересь понназ вераськыса,
Оже бырем картсэ тодаз вайса.
Кияз вольыт льӧмпу боды
Гож суреда, ӵуше со гожъёсты...
Уг бӧрд пересь, синвуосыз ӧвӧл,
Куасьтэ, оло, синъёссэ тӧл?
Дышем, лэся, ини пересь
Миквореныз кенешыны ӝытлась
Следующая публикация
Комментарии 18