Предыдущая публикация
Һәр кич саен күзләреңне йомган мәлдә
Күз караңда телим шәүләм чагылуын.
Иртәләрен таң нурлары уятканда
Карашыңның телим миңа кагылуын...
Телим уең миндә булган мизгелләрдә
Җаннарыңда сөю канат кагынуын.
Азга гына аерылып торганда да
Телим өзлеп-өзлеп мине сагынуың.
Мин бит үзем шушы хисләр кочагында,
Бар халәтем - минем дөрләп кабынуым-
Яратуның иң югары ноктасында
Син тудырган мәхәббәткә табынуым.
Сөелү һәм сөю өчен табылуым...
Рузия Камаева
#укы
Следующая публикация
Нет комментариев