Огполаз анаелэсь зарни зундэссэ нуи. Со чиля, зӧк — бызем зундэс! Кыӵе ми соин шудӥм! Мон зундэсэз луое ватӥсько, эшъёсы гудӥсько, утчало. Кин шедьтэ — солы канфет сётӥсько, кисы тросам саламъёсы вал. Кытын гудӥським — отчы ик вунэтӥм шудонмес.
Со ӝытэ ик анай ивортӥз, зундэсэз ышиз шуыса. Мон ӧй танӥськы — песочникын шудэммес верай. Кӧня ми бугыръямы луоез, анай бӧрдӥз но, зундэсэз ышиз шуыса. Ярам, ватосэ шедиз.
Но таин визь ӧз пыры. Мукет дыръя мон, анайлэсь бадӟым зарни угыоссэ бырттыса, великен ворттылӥ. Доре вуи но валай: огез ышем. Мар кароно? Кыкетӥ угыез пу возён лапасамы куштӥ: палэн уд ветлы ук. Таяз радэ но анай валаз, мон изъянтӥ шуыса. Ӧз тышкаськы, куриз вераны угылэсь кытчы пыремзэ. Лапасын туж кема утчаськимы, атай выжъёссэ но ӝутказ кадь, но угы чиптэм-чаптэм луиз.
#1июнь #нылпиос #покчидыр
Присоединяйтесь к ОК, чтобы подписаться на группу и комментировать публикации.
Нет комментариев