"ТУЛПАР" - синең журналың!

29 июньдә Стәрлебаш районының Турмай авылында мәчет ачылды. Чарада район, авыл хакимияте вәкилләре, дин әһелләре, авыл халкы, кунаклар катнашты. Бинаны төзетүдә даими авторыбыз, язучы Хисаметдин Исмәгыйлевның һәм аның хәләле Рәмилә ханымның өлеше зур. Бәйрәм репортажын тиздән "Тулпар" сайтыннан, журналның 4нче саныннан һәм "Кызыл таң" гәзитеннән укырга мөмкин булачак. Әлегә сезгә чарадан фотосурәтләр тәкъдим итәбез.

Гөл МИРҺАДИ. Чүплек. Повесть (16) ...Мәңге очына чыгып булмас кебек тоелган проблемаларының мондый зур тизлек белән чишелүен көтмәгән Фәридә үзенең эш башларга тәмам әзер түгел икәнен аңлады. Кулында бер документы да булмагач, ул үзаллы эш турында хәтта хыяллана да алмый иде бит. Салих абый нинди урынга урнаштыра ала, шунда эшләрмен: идән юучымы, өй җыештыручымы, хат ташучымы – аякка басып киткәнче, шуннан башлармын дип килгән иде шәһәргә.

Гөл МИРҺАДИ. Чүплек. Повесть (15) Бөтен күргәннәрен бәйнә-бәйнә сөйләгән хатын үзен чистарынган, әллә нинди авыр йөктән арынган кебек хис итте. Берчә оялган, берчә кызарган, берчә өзгәләнгән Фәридәне күзәткән карчык: – Булган – беткән, оныт. Үзеңне җәберләгән бөтен кешеләрне кичер. Гафу итеп, күңелеңнән алып ташларга тырыш аларны. Нәфрәтең белән үзеңә бәйләп тотма. Киләчәгеңә атлыйм дисәң, үзеңнең тормышыңа бәхет дигән бөек хисне, халәтне кертәм дисәң, күңелеңдә урын бушат саубуллаш сине кыерсыткан мескен бәндәләр белән. Җибәр аларны, кызым! Шунда тормышыңа яхшы, изгелекле кешеләр килеп керер, – дип сөйләп аптыратты Фәридәне. – Ничек җибәрим, ничек онытыйм соң? Искә төшсә, үзәгем буйлап кайнап менгән нәфрәт утын кая илтим? https://tulpar.info/articles/ch-chm-s-r/2024-06-26/g-l-mir-adi-ch-plek-povest-15-3821867?utm_source=odnoklassniki&utm_medium=social&utm_campaign=54255040331778