Предыдущая публикация
* * *
Сравтовсь эрзянь мастором келейстэ —
Викшнезь руця, питней модапанкс.
Ашти тесэ менелесь сэрейстэ,
Пеедиця, валдо ды пек ванькс.
Тонь вановтот, теке чись, эряви,
Тон эйкакшот пурнат весе вейс.
Васов чевте вайгелеть маряви,
Ванат сельмс тон монень, прок седейс.
Ванстасынь оймесэнь весе казнеть,
Седе питней мезеяк арась.
Лугат, виреть весемеде мазыйть,
Вановтом сэнь ведезэть ваясь.
Виеть тонь а машты, а синдеви,
Эрзянь мастор, максан тонеть вал:
Косо мезе илязо тееве,
Седейсэнь-оймесэнь улят свал!
Татьяна МОКШАНОВА
Присоединяйтесь к ОК, чтобы подписаться на группу и комментировать публикации.
Нет комментариев