Кайран элим, кара күчкө ал жетпей,
Кадырына ыйлап турган мезгили.
Кандай болот, кандай болот замана,
Кара булут каптагандай шекили.
Өзгө жерден, душман басып келгендей,
Өздөн чыккан, жат жамандар курутту.
Ойгон элим окшобогон чындыкка,
Өкүмөттүн мыйзамдары бузукпу.
Кимге жолто, болду экен ай Ала-Тоом,
Киндик каным тамган, ыйык Мекеним.
Кыргыз качан, жер алмашты кагазга,
Кыргыз качан, муз сатты эле тарыхта.
Кан сатпаган эмне калды элимде,
Кан Манастан калган, ыйык Каркыра.
Бүркүт шаншып Үзөңгү-Кууш тоолоруң,
Кыргыз атын миң кайталап, шаңсыса.
Ак мөңгүлүү Теңир -Тоонун кандары,
Аркадагы ыйыктарды эстей жүр.
Баарын сатып, байып деги бүттүңөр,
Башың сатсаң кусур уруп кетпейби.
Гульмира Конушбаева
Присоединяйтесь к ОК, чтобы подписаться на группу и комментировать публикации.
Нет комментариев