Альбина Исхаҡова — әүҙем йәмәғәт эшмәкәре, Башҡорт ҡатын-ҡыҙҙары ойошмаһы ағзаһы, фольклор байрамдарында даими ҡатнаша. Шулай уҡ ул баш ҡалала «Аҡ тирмә» милли-мәҙәни үҙәгендә өләсәйҙәр клубын етәкләне. Уның тормошо һәм ижады хаҡында фильм төшөрөлдө, ә «Тамыр» телестудияһы Альбина Исхаҡоваға «Тамыр» өләсәйе» тигән маҡтаулы исем бирҙе.
Альбина Хажим ҡыҙы республикала тәүгеләрҙән булып башҡорт ҡатын-ҡыҙҙарының милли биҙәүестәрен —селтәрҙәр тегә башланы, ҡыҙыҡһыныусыларҙың барыһын да биҙәү сәнғәтенә өйрәтте. Уның күргәҙмәһендә ошо үҙенсәлекле техника буйынса оҫталыҡ дәрестәре ҡаралған.
Күргәҙмәне «Урал» этноүҙәге һәм Вәсил Ханнановтың ижади башланғыстар фонды ойоштора. Күргәҙмә 6 сентябргә тиклем эшләй.
Присоединяйтесь к ОК, чтобы подписаться на группу и комментировать публикации.
Комментарии 8