Күптән түгел Зөлфиә Сафина Мәскәү ҡалаһында “Ер асыштары” фестивалендә “Башҡорт аты” фильмы менән оло еңеү яуланы.
Фильм “Тормош байрамы” номинацияһында иң яҡшылар рәтенә ингән һәм “Ҡара әле, ниндәй ил!” платформаһында урынлаштырылған.
Һәр кем платформаға инеп, Башҡортостан Республикаһы “төймә”һенә баҫып, “Башҡорт аты” фильмын ҡарай ала. Ул “Ер асыштары” геобрендтар фестивале директоры Надежда Явдолюк менән “Рәсәй ҡалалары союзы”ның Эксперт советы рәйесе Андрей Максимовтың ҡулынан “Башҡорт аты” фильмының “Ҡара әле, ниндәй ил!” платформаһында урынлаштырыу фактын раҫлаусы диплом менән бүләкләнде
“Башҡорт аты ” Баймаҡ районының - төп бренды. Район халҡы ла тап йылҡысылыҡ һәм ҡымыҙсылыҡ менән шөғөлләнә. Район буйлап тәбиғәттең ниндәй урынына сыҡма, унда һин өйөр–өйөр йылҡыларҙы, ҡолондарҙың уйнаҡлауын күрергә мөмкин. Ситтән ҡарап торһаң, былар иҫ киткес күренеш. Башҡорт аты” фестивале хәҙер халыҡ–ара кимәлгә күтәрелде. Рәсәйҙең 45 төбәгенән 300–ҙән ашыу эш араһында 145 –е шорт-биткә эләгеп, төрлө биләмәләрҙең брендын булдырыуҙағы платформаға индерелә. Һәм улар араһында “Башҡорт аты” фильмы еңеү яулай, “Баймаҡҡа һөйөү менән” фильм да “Ер асыштары” платформаһында урын ала,–тип һөйөнөсө менән уртаҡлаша Зөлфиә Дәүләтбай ҡыҙы Сафина.
Присоединяйтесь к ОК, чтобы подписаться на группу и комментировать публикации.
Нет комментариев