Хәйбулла районы халҡы махсус хәрби операцияла ҡатнашыусыларға ярҙам итеүҙә ҙур әүҙемлек күрһәтә. МХО башланғандан алып, райондан йыш ҡына төрлө аҙыҡ-түлек, йылы кейемдәр, маскировкалау селтәрҙәре, техника, кәрәкле приборҙар һәм инструменттар тейәлгән гуманитар ылау оҙатыла.
Ауылдарҙа ла, район үҙәгендә лә хәрбиҙәр өсөн бик кәрәк булған маскировкалау селтәрҙәрен үреү менән шөғөлләнәләр. Ә яугирҙар әйтеүенсә, фронтта ул бик кәрәкле һаҡланыу сараһы.
Был юлы район хакимиәтенән «ГАЗель» һәм күсмә мунса, район халҡынан, МХО-ла ҡатнашыусыларҙың туғандарынан, яҡындарынан шәхси посылкалар, генераторҙар, бензин бысҡылар, шәхси гигиена һәм көнкүреш әйберҙәре, аҙыҡ-түлек (ҡайнатмалар, тоҙламалар, картуф), кәрәкле приборҙар һәм башҡалар оҙатылды. Шәхси эшҡыуар Рөстәм Усеинов «Риша» ҡушаматлы хәрбигә «Лада Приора» автомобилен ебәрҙе, ә егеттәргә милли ашамлығыбыҙ – ҡаҙы, боҙолмай барып етһен өсөн “Балта” коворкинг үҙәгенең хужаһы Рәмил Билалов күсмә һыуытҡыс яһап биргән.
Присоединяйтесь к ОК, чтобы подписаться на группу и комментировать публикации.
Нет комментариев