Татарстан Рәисе Рөстәм Миңнеханов Куала-Лумпурда Хәләл индустрияне үстерү корпорациясендә булды. Ул Малайзиядә хәләл продукция базарында ышанычлы партнер сыйфатында федераль хөкүмәт агентлыгы булып тора.
«Рөстәм Миңнехановка оешманың эш принциплары турында сөйләделәр. Аерым алганда, ул микропредприятиеләрдән, кече һәм урта предприятиеләрдән башлап зур илкүләм корпорацияләргә кадәр төрле бизнес ихтыяҗларына кагыла торган адаптив программаларны эшләү һәм гамәлгә ашыру белән шөгыльләнә», — дип хәбәр итте Татарстан Рәисе матбугат хезмәте җитәкчесе Лилия Галимова.
Республика җитәкчесе билгеләп үткәнчә, Татарстанда хәләл индустриягә аерым игътибар бирелә. «Бүген бу экосистема азык-төлек тармагын, шулай ук башка өлкәләрне дә үз эченә ала. Мисал өчен, косметика товарлары, дару препаратлары, кунакханә һәм туристлык индустриясе, ислам банкингы, медицина һәм башка өлкәләр», - дип сөйләде ул.
Корпорация җитәкчелеге бүген Малайзиянең хәләл базары эшли торган инструментларны тәкъдим итте. Миңнеханов профильле министрлыкка тәҗрибәне тирәнрәк өйрәнергә һәм хезмәттәшлек вариантларын карарга кушты.
Присоединяйтесь к ОК, чтобы подписаться на группу и комментировать публикации.
Нет комментариев