- Гөлназга карата таләпчән була аласызмы?
- Таләп иттек инде, ансыз баланы үстереп булмый бит. Кызганычка каршы, мин үз кызымны үстерә алмадым. Əле дә аралашмыйбыз. Монда: “Син гәепле”, “Ул гаепле” дип утыру дөрес түгел. Кем гаепле икәнен Аллаһы Тәгәлә хәл итәр, аның алдында җавап бирәсе бит.
2,5 яшькә кадәр без бергә булдык. Мин өйдә булсам, алдымнан төшми дә иде. Лиана ул вакытларны, әлбәттә, хәтерләми. Әмма ул бәйләнеш югалды һәм әлегә кадәр җайланып китә алмый. Ул балага мин бары тик матур теләкләремне юллыйм. Чын хатын-кыз бәхетен тоеп яшәсен иде.
Əмма Гөлназга карата ярату хисе ныграк миндә. Ул минем кыз түгел икән уйның башка да килгәне юк. Яратам, үз итәм! Аның өчен бик борчылам. Ə очрашып йөргән егетләренә карата берникадәр көнләшү хисем дә бар. Мөгаен, ул бар әти кешедә дә буладыр. Иң күңелсезе шул бит: кыз баланы иркәләп үстерәсең дә, аннары ул өйдән чыгып китә. Рөстәм әтисендә дә шундый ук хисләр дип уйлыйм.
Аллага шөкер, Асаевлар гаиләсе белән дә мөнәсәбәтләребез яхшы. Сүз дә юк, үпкәләшеп, талашып та яшәргә була. Əмма гомер бит бер бирелә! Аннан үкенеп яшәүдән ни рәхәте бар?! Бу мәсьәләдә без - Рөстәм дә, мин дә акыллы булдык.
Без бит ике тамырдан барлыкка килгәнбез. Бер тамыр – ул әти, икенчесе – әни. Бер тамыр белән генә үсүе авыр, берсе белән дә бәйләнешне өзәргә ярамый. Аллага шөкер, Гөлназны шулай үстерә алдык. Әтисе һәм аның барлык туганнары белән туганлык җепләрен өзми үсте. Ул яктан Гөлназ бәхетле. Әгәр дә ул җепләрне өздергән булсам, ул бала бүген миңа карата шундый җылы мөнәсәбәттә булыр иде микән? Кәримнең туу – ул Гөлназны нык яратканга, аны бәхетле итү теләгенең көчле булуы өчен Аллаһы Тәгалә бүләгедер дим. Улым миңа ниндидер изгелек кылганым өчен җибәрелгән, мин моны сизеп торам.
Присоединяйтесь к ОК, чтобы подписаться на группу и комментировать публикации.
Комментарии 16
Ник дисэгез, ул уз кызына ачу итеп яза гына. Чонки уз кызы аны признавать итмэгэнгэ ачуы килгэнгэ генэ яза бит . Алдагысын кем белэ, может уз кызыннын кирэге булыр картаймыш конендэ. Конечно обидно, уз кызынны ташлап, чит кеше баласын уз иткэнгэ. Если я не права, прошу прощения.