Калфакның нәрсә икәнен белми торган татар кешесе юктыр ул. Ләкин әйтеп үтик: калфак - татар хатын кызларының баш киеме.
18-нче гасырда калфаклар бөтенләй башкача булган. Аны ак җепләрдән бәйләгәннәр. Маңгаен чуклар белән бизәгәннәр. Мондый калфакларны, гадәттә, авыл кызлары киеп йөргән. Шәһәр кызларының калфагы, үлчәме белән генә түгел, бизәлеше белән дә аерылып торган. Аны төсле җепләрдән бәйләгәннәр, яфрак, чәчәкләр чигеп бизәгәннәр.
19-нчы гасырда бу калфакларны кечерәк үлчәмле бәрхет калфаклар алыштырган. Алтын җепләр белән чигелгән чәчәкләр аларга аеруча затлы бер төс биргән. Хәтта рус хатын-кызлары да әлеге үзенчәлекле баш киеме белән завыгып киткәннәр.
19-нчы гасыр ахырында калфакка чәчәчкләрне ак сәйләннән һәм энҗеләрдән тезгәннәр. Караңгы фонда бу бизәкләр аеруча нәфис күренгән. Яңа гасыр башлангач, калфаклар тәмам кечерәя. Баш киеме булудан бигрәк бизәнү әйберенә әйләнеп бара.
Присоединяйтесь к ОК, чтобы подписаться на группу и комментировать публикации.
Комментарии 1