Соңгы буранын бурап
Ак яулыгын кыш болгап
Яуган карын калдырып
Китеп барды кыш бездән
Үзе салган ул эздән.
Көтеп алган яз килде
Яткан карлар эреде
Гөрләвекләр йөгерде
Елга суга күмелде
Бозлар шартлап ярылды.
Елга буйлап боз ага
Килеп бәрелә ярга
Кисәкләргә бүленә
Бер кисәкләре кала
Юылып кар суына
Калган кисәкләр ага
Ага ул, белми кая
Бәлки диңгезне күрер
Күреп шунда югалыр
Эреп суга әйләнер.
Елга суы киңәя,
Көннән -көн ул күбәя
Басуларны су баса
Тирәкләр кала суда
Юынып кар суына.
Берничә көн су тора
Сугарып җирне суга
Шуннан әкерен атлап
Артка таба чигенә
Кире кайта юлына.
Сыенып ике ярга
Уралның суы ага
Ямле язда киңәя
Эссе җәйдә тарая
Кышта бозга әйләнә.
Гасырлар буе ага.
Лилия Ф. Гиматдинова-Хисамова
Оренбург шәһәре 2016 ел
#ЛилияГиматдиноваИҗаты
Присоединяйтесь к ОК, чтобы подписаться на группу и комментировать публикации.
Нет комментариев