Үзебезне куеп гел өскә,
Илгә килгән яктан, эшчеләрне,
Куябыз күк, кара бер төскә.
Ә бит алар эшли, без эшләсен,
Без төкергән эшкә, аз түләп,
Алар өчен Аллах биргән ризык,
Тормасак та икән күп сөйләп.
Нигә алар безне яратсыннар?
Түрәләр күк өстән карагач,
Юкса, шул ук, Адәм балалары,
Бер тамырдан үскән бер агач.
Әллә уйлыйсызмы җиңел итеп,
Алар башкарасы эшләрне?
Алардан да, каера ич түрә,
Юкка алар кысып тешләрне,
Ташлап безгә, ачулы бер караш,
Ә без, рәхмәт әйтер урнына,
-Кара!-дибез, нинди кара йөзләр,
Безгә килеп урам себерә..
Хокук саклаучылар талаганда,
Кырын караганда үзебез..
Аңламыйбыз, алар бездәй кеше,
Читкә карый сыман, күзебез..
Әллә алар рәхәттән качканмы?
Меңәр чакрым үтеп ,эш тапкан,
Гаиләләрен туйдырырга теләп,
Олы куйган үзен ,ояттан..
Ә без имеш,алар безгә читләр,
-Нигә качкан ?-диеп иленнән..
Яшәр өчен бер җай калмаганда,
Башка җирдә аш бар, күренгән.
Ә кем чакырган соң, эш бар итеп
Килгән алар ,нинди уй белән?
Салым алып ят караштан япкан,
Рөхсәт иткән җәеп ак келәм?
Бәлки әле , үзебез гаепледер?
Аваыр эшне ташлап аларга,
Ак сөякләр булып маташканга,
Тиле уйлар тулган каннарга?
Шулай булгач ,нигә гаепләргә?
Чакырдыгыз?-димәк түзегез..
*Мин *не алга куеп яшәгәндә,
Безне күптән күрә белмибез..
Присоединяйтесь к ОК, чтобы подписаться на группу и комментировать публикации.
Нет комментариев