Предыдущая публикация
Без бит авыл тумасы;
Туган яктан бер моң килсә,
Килә шуңа чумасы.
Тәнне кием яшерсә дә,
Булмый хәтерне каплап;
Шуңа күңел кайчак йөри,
Сабый чаклардан атлап.
Үткәннәр дә ишекләрен,
Куймаган әле ябып;
Әткәй-Әнкәй каршылар күк,
Кайтылса вакыт табып.
Шәһәрләрдә яшәсәк тә,
Җан бит барыбер саладан.
Авыл да үз итә әле –
Кем баш тартсын баладан!
Ислемайлар сибелсә дә,
Затлы кием киелеп;
Юасы килә һәммәсен,
Чишмәләргә иелеп.
Шәһәрләрдә яшәсәк тә,
Авылдан калеб-барлык.
“Бу бит – авылныкы!” – дигән,
Тагылган безгә ярлык.
Мәүлит ШАКИРОВ
Присоединяйтесь к ОК, чтобы подписаться на группу и комментировать публикации.
Нет комментариев