Предыдущая публикация
Әбиләр чуагы
Көннәрдә табигать җылысы
Алдарак көзләрнең суыгы.
Бәйрәмдәй үтәләр көннәрем
Урамда әбиләр чуагы.
Көмештәй пәрәвез җепләре
Саргайган үләнгә бәйләнә,
Яз түгел, җәй түгел көннәре
Сихри бер мизгелгә әйләнә.
Соң килгән мәхәббәт кебек ул,
Көз килгән әбиләр чуагы,
hәр кемнең йөрәген җилкетми
Бер кайчпн үткәне юк аның.
Ни гаҗәп, табигать нишләгән?
Аңларга теләми күңелем,
Мөгҗизә кебек бер вакытның
Чынлап та ямьле җәй түгелен.
Көзләрнең тылсымлы бер мәле,
Шат кояш нур сибә күгемдә,
Нурлары бииләр күземдә,
Барыбер ямансу күңелдә.
Флюр Абдракипов 04.09.2024
Следующая публикация
Нет комментариев