Республика туризм өлкәһендәге инвестиция башланғыстарын тормошҡа ашырыу өсөн уңайлы шарттар булдыра. Республикала эш башлаған ваҡытында Радий Хәбиров эске туризмды үҫтереү, инфраструктура булдырыу өсөн гранттар һәм субсидиялар, һалым, административ льготалар системаһын булдырырға хәл итте.
Районда туристик йүнәлеш буйынса эшмәкәрлек алып барған 18 шәхси эшҡыуарҙың береһе Гөлфиә Григорьева ла урта эшҡыуарлыҡты үҫтереү буйынса республиканан 500 мең һум күләмендәге дәүләт ярҙамы алған.
Ишдәүләт ауылында Иҙел буйында урынлашҡан «Сәйәхәт» турбазаһында милли стилдә биҙәлгән ике ҡунаҡ өйө, мунса, йәйге аш өйө, ҡаҙан-мангал зонаһы бар.
Һуңғы арала милли йәйәнән уҡ атыу популярлаша бара. Шуны күҙ уңында тотоп, эшҡыуар уҡ һәм яндар һатып алып, килгән ҡунаҡтарға яндан атып ҡарау мөмкинлеге лә булдырған.
-Бер тапҡыр ял итергә килеүселәр икенсе юлы ла тап бында туҡталырға тырышалар, ҙур ҡәнәғәтлек менән дуҫтарына, яҡындарына тәҡдим итәләр. Бөрйәнде күрергә теләүселәрҙең күп булыуына ҡыуанам. Туризм буйынса үҫешергә теләүселәргә, теләк булһа, барыһы ла буласаҡ, тип әйтер инем. Күҙ ҡурҡа, ҡул эшләй тигән кеүек, тырышһаң, эш ҡарышмай. Шулай уҡ хөкүмәттән дә ярҙам алыу мөмкинлеге бар, - тине Гөлфиә Ғарифулла ҡыҙы.
Присоединяйтесь к ОК, чтобы подписаться на группу и комментировать публикации.
Нет комментариев