Дабири кулли Созмони Милали Муттаҳид дар паёме хитоб ба раисҷумҳури Эрон, зимни табрики интихоби вай ба унвони раисҷумҳури ин кишвар, омодагии худро барои ҳамкорӣ бо давлати ҷадиди Ҷумҳурии Исломии Эрон эълом кард.
Ба гузориши ТоҷикПресс, Антонио Гутерриш, дабири кулли СММ, тайи паёме ба Масъуди Пизишикён, раисҷумҳури Эрон пирӯзии вай дар интихоботи раёсатҷумҳурии Эронро табрик гуфт.
Гутерриш бо ибрози хушҳолӣ аз интихоби Пизишикён ба унвони раисҷумҳури ҷадиди Эрон, эълом дошт ки Созмони Милали Муттаҳид ва шахси вай муштоқона мунтазири ҳамкорӣ бо давлати ҷадиди Ҷумҳурии Исломии Эрон ҳастанд.
Дабири кулли Созмони Милали Муттаҳид дар идома зимни ишора ба нақши муҳими Ҷумҳурии Исломии Эрон дар минтақа, хостори ифои нақши эшон дар кумак ба ҳалли буҳронҳои минтақа ва пешгирӣ аз даргириҳои ҷадид, ки метавонад таҳдиде барои минтақа ва фароминтақа бошад шуд.
Гутерриш ҳамчунин бар тааҳҳуди Созмони Милал ба ҳимояти мустамар аз талошҳои Ҷумҳурии Исломии Эрон дар дастёбӣ ба аҳдофи тавсеаи пойдор таъкид кард.
Дабири кулли Созмони Милали Муттаҳид дар интиҳо бо ибрози беҳтарин орзӯҳо барои Пизишкиён дар анҷоми маъмурияти ҷадидаш, изъон дошт ки барои пешбурди арзишҳову ормонҳои мундараҷ дар маншури Милали Муттаҳид, рӯи раисҷумҳури ҷадиди Эрон ҳисоб боз кардааст. https://tajikpress.com/2024/07/30/%d1%8d%d1%8a%d0%bb%d0%be%d0%bc%d0%b8-%d0%be%d0%bc%d0%be%d0%b4%d0%b0%d0%b3%d0%b8%d0%b8-%d0%b3%d1%83%d1%82%d0%b5%d1%80%d1%80%d0%b8%d1%88-%d0%b1%d0%b0%d1%80%d0%be%d0%b8-%d1%8d%d1%80%d0%be%d0%bd-%d1%81/
Присоединяйтесь к ОК, чтобы подписаться на группу и комментировать публикации.
Нет комментариев