Предыдущая публикация
Игнецесе киләте,
Йаңғыннарны туҡтатҡайтыҡ -
Сыулар пасып китәте.
Сыу, сыймайын йарларына,
Үгереп ташып цыҡты,
Иртеш пуйта ауылларны
Кинәт кенә ул пасты.
Өйләр генә түгел мынта –
Ҡысылты мал-туарлар...
Табуны пен ҡырылтылар,
Сыута цацыу-ҡыралар.
Сыу ташыулар - олло ҡайғы,
Пәлә кеше пашына,
Сыйаратларға сыу кереп
Йетте ҡәбер ташына...
Өмөр пуйы йыйған малы,
Кешенең өй-шайлары...
Сыуға ағып киткәненең
Кем исәпләр саннарын?
Аллам, йергә тыныцлыҡ пир,
Сыулар та ҡайтып китсен,
Кицер, саҡла кешелекне,
Әр пәнтәңә көц пир Син!
✫Gilminur ✫
Присоединяйтесь к ОК, чтобы подписаться на группу и комментировать публикации.
Комментарии 1