Предыдущая публикация
На Мазыршчыне загучалі Купалаўскія чытанні
Сёння Мазыршчына гасцінна расчыніла дзверы для юных талентаў з усёй Гомельскай вобласці. У гімназіі імя Янкі Купалы адбыліся XIV абласныя “Купалаўскія чытанні”, якія сабралі натхнёных школьнікаў з 16 раёнаў Гомельшчыны.
Пачатак свята быў напоўнены песнямі і вершамі, якія стварылі атмасферу творчасці і натхнення. Са словамі прывітання да ўдзельнікаў звярнуўся дырэктар гімназіі імя Янкі Купалы, Міхаіл Міхайлавіч Ранчынскі.
Пасля ўрачыстага адкрыцця ўдзельнікі разышліся па секцыях, дзе прадэманстравалі свае веды і таленты. Вучні Лельчыцкай раённай гімназіі імя І.А.Коласа годна выступілі ў розных намінацыях і былі ацэнены журы.
Вучань 10 класа Лельчыцкай раённай гімназіі імя І.А.Коласа Фомін Арцём атрымаў дыплом 1 ступені ў секцыі "Святыня народа";
Вучаніца Лельчыцкай раённай гімназіі імя І.А.Коласа Сычэўская Ангеліна - дыплом 3 ступені ў секцыі "Духоўная спадчына";
Вучань 10 класа Лельчыцкай раённай гімназіі імя І.А.Коласа Пержаніца Яўген - дыплом 3 ступені ў секцыі "Мой творчы радок".
Вучаніца 11 класа Лельчыцкай раённай гімназіі імя І.А.Коласа атрымала падзяку.
Віншуем пераможцаў і жадаем ім далейшых творчых поспехаў! “Купалаўскія чытанні” – гэта цудоўная пляцоўка для раскрыцця талентаў і ўзбагачэння духоўнай культуры нашага рэгіёну.
Урачыстае мерапрыемства стала не толькі конкурсам, але і сапраўдным святам беларускай мовы і літаратуры. Юныя таленты паказалі глыбокае разуменне творчасці Янкі Купалы, яго значэнне для беларускай культуры і гісторыі. Праз свае даклады, вершы, малюнкі і песні яны прадэманстравалі любоў да роднага слова і імкненне да захавання духоўнай спадчыны.
Аўтар юны карэспандэнт "СЖ" Арцём Фамін
Следующая публикация
Нет комментариев