Эрон Исроилро барои ҳар амали беасосаш ба пардохти баҳои баланд маҷбур хоҳад кард.

Дар ин бора муовини вазири корҳои хориҷии Ҷумҳурии Исломӣ Маҷид Тахтиравончӣ изҳор дошт.
Ӯ дар суҳбат бо шабакаи телевизионии ироқӣ Al Ahad гуфт, ки дар посух ба ҳар амалкарди Телавив ҳам бо роҳи дипломатӣ ва ҳам низомӣ посух медиҳанд.

Украина шабонарӯзи охир 925 низомиашро талаф додааст.

Дар ин бора Вазорати дифои Русия дар гузориши тозааш хабар медиҳад.
Ба иттилои манбаъ, талафоти низомии режими Киев дар самти Курск 160 низомӣ ва чор танк буд.

“Истиқлол” боз ду бозигари дигарашро ба иҷора дод.

Ҳамакнун нимҳимоятгар Шуҳрат Шоҳназаров ба “Хуҷанд” баргашт ва Олимҷон Ҷӯраев дарвозаи дастаи “Сардор”-ро ҳимо хоҳад кард.
Бошгоҳи душанбегӣ гуфтааст, ки созишномаҳои иҷора то охири мавсими ҷорӣ ба имзо расидаанд.

Тоҷикистон ба харидории турбинаҳо аз як ширкати эронӣ таваҷҷӯҳ дорад.

Дар ин бора Қоҳир Расулзода Сарвазири Тоҷикистон пас аз боздид аз корхонаи Мапно изҳор дошт ва гуфт, ки дар кишвар талабот ба он зиёд аст, чун нерӯгоҳҳои зиёд бунёд мешаванд.
Вай гуфт, ки ширкатҳои Тоҷикистон омодаанд бо Mapna Industrial Group дар соҳаи саноати барқ ва сохтмони турбинаҳо ҳамкорӣ кунанд.

Дар Тоҷикистон системаи электронии бақайдгирии таваллуд ва фавт ҷорӣ мешавад.

Вазорати тандурустӣ хабар медиҳад, ки аллакай барои кормандони муассисаҳои тиббӣ тренингҳо оид ба кор бо навгонӣ гузаронида мешаванд.

Ҳуқуқҳои гурезаҳои украинӣ ҳам дар Аврупо ва ҳам дар ИМА маҳдуд мекунанд.

Вит Ракушан, вазири умури хориҷаи Чехия гуфт, ки пас аз поёни низоъ ва ҳатто оташбас украиниҳо наметавонанд дар ин кишвар ҳимояти муваққатӣ бигиранд.
Ба гуфтаи ӯ, ин тасмим бояд дар сатҳи тамоми Иттиҳодияи Аврупо гирифта шавад, зеро ИА бояд аз мавҷи нави муҳоҷират, бахусус аз вуруди мардоне, ки барои пайвастан ба хонаводаҳояшон меоянд, пешгирӣ кунад.
Лаҳистон ҳамчунин нақша дорад, ки назорат бар ҷараёни муҳоҷиратро пурзӯр кунад ва Иёлоти Муттаҳида аллакай қабули дархостҳои вуруди украинҳоро қатъ кардааст. Сабабҳоро гумонҳо ба қаллобӣ ва масъалаҳои амниятӣ медонанд.

Агар таҷовуз алайҳи Эрон анҷом шавад, минтақа дигар оромишро нахоҳад дид.

Дар ин бора раиси Ситоди кулли нерӯҳои мусаллаҳи Эрон Муҳаммад Боқирӣ
Ӯ гуфт, дар сурати чунин рӯйкард на танҳо режими Исроил, балки онҳое низ дар хатар хоҳанд буд, ки онро бо фазо ва пойгоҳ таъмин мекунанд ва аз ҷиноятҳои он ҳимоят мекунанд.

Шоираи тоҷик Фарзонаи Хуҷандӣ дар бемористони Теҳрон бистарӣ шудааст.

Ӯро вазири фарҳанги Эрон Ризо Солеҳӣ Амирӣ аёдат кардаа, ба адиб шифои ҳарчи зудтар таманно кардааст.

Тоҷикистониёнро моҳи март истироҳати дарозмуддат интизор аст.

Тавре аз Федератсияи иттифоқҳои касабаи мустақили кишвар ба хабар доданд, бо назардошти таҷлил се ид ва сокинон 16 рӯз истироҳат хоҳанд кард.
Тафсилоти бештар дар тасвирбаёни Sputnik Тоҷикистон.

Се иду 16 рӯз истироҳати Тоҷикистониён дар моҳи март.

Тавре аз Федератсияи иттиқофҳои касабаи мустақили ҷумҳурӣ ба хабар доданд, бо назардошти истироҳатҳои муқаррарӣ ва рӯзҳои ид, ки дар Рӯзи модар, ҷашни Наврӯз ва иди Рамазон пешбинӣ мешавад, 16 рӯзи моҳ истироҳат дар назар аст.
Бар асоси Қонун "Дар бораи рӯзҳои ид" Рӯзи модар 8 март ки ба шанбе рост меояд, бинобар ин рӯзи душанбеи 10 март низ истироҳат мешавад.
Ҳамзамон дар Наврӯз, 21 то 26 март истироҳат мешавад, чун 22 ва 23 март рӯзҳои шанбеву якшанбе буда, он ба 25, 26 март мегузарад.
Ҳамзамон таъкид шуд, ки ҳоло расман рӯзи таҷлил Иди Рамазон дақиқ нашудааст, он агар ба 30 март рост ояд, бар асоси қонун рӯзи 31 низ истироҳатӣ меш

Дар Маскав таҳти раёсати Тоҷикистон ҷаласаи комиссияи Шӯрои иқтисодии ИДМ баргузор шуд.

Дар мулоқот таҳти роҳбарии сафири Тоҷикистон дар Русия Давлатшоҳ Гулаҳмадзода иштирокчиён 11 масъала, аз ҷумла дар соҳаҳои тиҷорату иқтисод, кишоварзӣ, саноатӣ ва ғайраро баррасӣ карданд, хабар медиҳад котиботи сафорат.