Дар Кӯлоб панҷ узви як хонавода заҳролуд шуданд.

Дар ин бора КҲФ хабар дода, афзуд, ки заҳролудшудагон сокинони деҳаи Файзови ноҳияи Восеъ мебошанд.
Манбаъ сабаби заҳролуд шудани онҳоро зикр накард, танҳо иттилоъ дод, ки ҳар панҷ нафар феълан дар беморхонаи марказии ноҳияи Восеъ бистарӣ ҳастанд ва табибон вазъи онҳоро муътадил арзёбӣ мекунанд.
Бузургтарин миёни заҳролудшудагон 36 - сола буда, кӯчактаринаш ҳамагӣ 6 - сола аст, таъкид дошт КҲФ.

Дар роҳҳои Тоҷикистон беш аз 666 ҳазор мошин ҳаракат мекунад.

Вазорати нақлиёт мегӯяд, дар соли 2024 бо нақлиёти автомобилӣ 1 млрд мусофир ва қариб 128 млн тонна бор интиқол дода шуд.

Арманистон ҳамкориро бо ИИАО идома медиҳад.

Муносибатҳои байни иттиҳодия ва кишварро метавон муқаррарӣ номид, гуфт Пашинян зимни суханронӣ дар Шӯрои атлантикӣ дар Вашингтон.
"Мо ҳамчунон узви Иттиҳоди иқтисодии АвруОсиё боқӣ мемонем. Ин созмон фаъолият дорад ва мо дар чаҳорчӯби он кор мекунем", - афзуд раҳбари Арманистон.

"Тоҷик Эйр" парвози нав аз Душанбе ба Рашт роҳандозӣ кард.

Ин ширкат эълон кард, ки сар аз 7 феврал аввалин парвоз дар самти Душанбе - Рашт анҷом мешавад.
Зимнан, дар ин масир ҳар ҳафта се парвозӣ: рӯзҳои душанбе, чоршанбе ва ҷумъа сурат мегиранд.
Нархи чипта 350 сомонӣ буда, парвозро ба ҳавопаймои АН-28 анҷом меёбад.

Ҳавои Тоҷикистон барои 6 феврал.

Гармии ҳаво рӯзона то 12 дараҷа ва шабона то 2 дараҷа гарм мешавад.
Боришот қариб дар назар нест.
Маълумоти бештарро аз тасвирбаён бинед.

Маскав суханони Трамп дар бораи иштибоҳи ҷалби Украина ба НАТО-ро истиқбол мекунад - Лавров.

Бори аввал роҳбари ғарбӣ ва он ҳам роҳбари ИМА, бармеояд роҳбари тамоми ҷаҳони Ғарб ин суханонро ба забон овард, изҳор дошт вазири корҳои хориҷии Русия.

Нетаняҳу ба Трамп пейҷери тилоӣ туҳфа кард.

Президенти Амрико зимни қабули туҳфа гуфт, "ин як амалиёти бузург буд".
Ёдовар мешавем, рӯзҳои 17 ва 18 сентябри соли 2024 дар қисматҳои гуногуни Лубнон пейҷуру радиоҳо таркиданд, ки дар натиҷа 37 кас халок ва зиёда аз 3 хазор кас ҷароҳатдор шуданд.

Маълум шуд, ба "Baku Grand Slam" аз Тоҷикистон кӣ меравад.

Мусобиқаи мазкур аз 14 то 16 феврал дар шаҳри Боку баргузор мегардад ва Тоҷикистонро 6 варзишгар намояндагӣ мекунанд. Инҳо:
Абубакр Шеров;
Муҳиддин Асадуллоев;
Сомон Маҳмадбеков;
Беҳрӯз Хоҷазода;
Ҷаҳонгир Маҷидов;
Каромутулло Ҳакимов
Ба ҷудокорони тоҷик барору пирӯзӣ таманно дорем!

Сабти номи корхонаҳои саноатӣ дар Тоҷикистон осонтар шудааст.

Акнун иҷозатнома дар муддати кӯтоҳтарин, аз 3 то 10 рӯз дода мешавад, гуфт котиби матбуотии Вазорати саноат ба Sputnik Тоҷикистон.
"Зиёда аз 90% иҷозатномаҳо дар соли 2024 дар муддати кӯтоҳтарин ба довталабон дода шуданд", - қайд кард Муҳаммаддвалишоҳ Махшулов.
Дар маҷмӯъ 980 корхона барои фаъолият иҷозатнома гирифтаанд.

Президент даргузашти Волоҳазрат Оқохони IV -ро таслият гуфт.

Эмомалӣ Раҳмон ба Девони Имомати Исмоилия барқияи изҳори тасаллӣ ирсол намуданд, хабар дод дафтари матбуоти роҳбари давлат.
“Шодравон бо талошҳои пайвастааш дар роҳи ҳифзи сулҳу субот, пешрафту нумӯи ҷаҳони ислом ва татбиқи ҳадафҳои рушди умум дар арсаи байналмилалӣ маъруфият пайдо намуда, соҳиби мақому манзалати хосса гардидааст. Вобаста ба ин мехоҳам саҳми ӯро дар пешбурди ҳамкорҳои созанда бо Ҷумҳурии Тоҷикистон таъкид намоям”, - омадааст дар паёми ҳамдардии президент.
Роҳбари давлат пайвандони Волоҳазрат аз даргаҳи Худованд сабри ҷамил хост.

Нархи воридотии гази моеъ дар Тоҷикистон 54% афзуд.

Дар моҳҳои январ-декабри соли 2024 аз ҷониби 16 субъект ба ҷумҳурӣ 368,7 ҳазор тонна гази моеъ ба маблағи 251 млн доллар бо нархи миёнаи 681 доллар барои як тонна ворид карда шудааст, иттилоъ дод Хадамоти зиддиинҳисорӣ.
Манбаъ афзуд, ки ҳаҷми воридот нисбати ҳамин давраи соли пешӣ 42,3 ҳазор тонна кам ва нархи миёнаи воридотии ҳар тонаи он ба ҳисоби миёна 238 доллар афзоиш ёфтааст.

Беш аз 46%-и шакар ба Тоҷикистон дар соли 2024 аз Русия ворид шудаст.

Давоми сол нархи шакар дар ҷумҳурӣ поин рафт, иттилоъ дод Хадамоти зиддиинҳисории Тоҷикистон.
Манбаъ афзуд, ки дар баробари Русия инчунин ҳудуди 16%-и шакар ба кишвар аз Белорус, 15% аз Ҳинд, қариби 9% аз Покистон ва ҳудуди 5% аз Қазоқистон ворид мегардад.
Поинравии қимати шакар ба коҳиши нархи он дар давлатҳои тавлидкунанда рабт дода шуд.

Зеленский масъулияти минбаъд аз даст додани қаламравҳои Украинаро ба ИМА вогузор кард.

Нукоти дигари ӯ аз мусоҳиба бо рӯзноманигори бритониёӣ Пирс Морган:
Дар омади гап, вақте ки мо аслиҳаро аз анборҳои шумо гирифтем, на ҳама чиз нав буд - боқимонда аз солҳои 70-80-ум, онҳоро таъмир мекардем.
Маблағи зиёде дар куҷое нопадид шуд ва касе намедонад дар куҷо... Садҳо млрд доллар - Украина ҳеҷ гоҳ ин қадар пул нагирифтааст.
Комплекси саноатии ҳарбию саноатии Амрико миллиардҳо даромад гирифт, силоҳҳои навтаринро ба вуҷуд овард, шумораи ҷойҳои корӣ ва андозҳоро зиёд кард.

Воридоти гандум ба Тоҷикистон аз тавлидоти дохилӣ бештар аст.

Беш аз 80 воридкунанда соли гузашта ба Тоҷикистон беш аз 1 млн тон ба маблағи 274 млн доллар ворид кардаанд, ки нархи миёнаи он 260 доллар барои 1 тонна мебошад. Воридоти гандум 3,3% афзудаст, иттилоъ дод Хадамоти зиддиинҳисории Тоҷикистон.
Тавлидоти дохилии гандум дар Тоҷикистон беш аз 880 ҳазор тоннаро ташкил додаст, ки нисбат ба ҳамин давраи соли гузашта ба миқдори 19,9 ҳазор тонна ё 2,3% зиёд мебошад.

Офатҳои табиӣ ба 334 хона дар Тоҷикистон давоми соли гузашта зарар расондаанд.

Аз ин 102 хона пурра тахриб шудаст, иттилоъ дод КҲФ. Мақомот барои бунёди 162 хона кумак кардаанд, афзуд манбаъ.
Инчунин 12 мактабу кӯдакистон, 542 км роҳ, 80 купрук, 130 км хатти барқ ва инчунин 2,7 ҳазор га киштзорҳо осеб дидаанд.

Офатҳои табиӣ дар Тоҷикистон 17 нафарро кушта, 161 млн сомонӣ хисорот овардаанд.

Соли 2024 дар Тоҷикистон 639 ҳолати фавқулоддаи табиӣ ба қайд гирифта шудаст, ки ин нишондод соли қаблӣ ба 557 адад баробар буд, иттилоъ дод КҲФ.
Хисороти иқтисодӣ аз офатҳо афзуда, марги одамон коҳиш ёфтааст.
Соли 2023 бар асари офатҳои табиӣ 51 нафар ба ҳалокат расида, 76 млн сомонӣ хисорот расонда шуда буд, зикр намуд КҲФ.

Трамп мегӯяд, Ғазза "макон барои тахриб" аст, ки барои зиндагӣ мувофиқ нест.

Ба эътиқоди ӯ, сокинони ин навор бояд ба замини дигар кӯч дода шаванд ва умедвор аст, ки Урдуну Миср фаластиниҳои овораро қабул хоҳанд кард.
Илова бар ин, Трамп гуфт, ки Иёлоти Муттаҳида назорати Ғаззаро ба ӯҳда мегирад ва масъули кор дар минтақа хоҳад буд.

Имоми 49-уми исмоилиёни ҷаҳон, Оқохони IV даргузашт. Имоми 50-уми ҷамоат таъйин шудаст.

Шоҳ Карим ал Ҳусайнӣ 4 феврал дар иҳотаи наздикон дар синни 88 дар Лисабон дунёро падруд гуфт, иттилоъ дод созмони исмоилиён.
Марҳум тибқи анъанаи имомати исмоилӣ, вориси худро таъйин намудаст ва бар асоси васиятнома исми 50-умин имоми исмоилиён рӯзҳои оянда дар ҳузури наздикону роҳбарони ҷамоатӣ эълон хоҳад шуд.
Оқохони чаҳорум аз синни 20-солагӣ аз соли 1957 имоматии ҷамоати исмоилиёнро ба уҳда дошт. Исмоилиён дар Тоҷикистон, асосан дар ВМКБ низ иқомат доранд.

Филми русию тоҷикии "Пайраҳаи хашм" соли 2025 ба намоиш мебарояд.

Он тирамоҳ дар чаҳорчӯби ҷашнвораи синамои "Тоҷи Сомон" дар Душанбе намоиш дода мешавад.
Наворбардорӣ алакай ба охир расид, филм пурра дар Тоҷикистон ба навор гирифта шудааст, он дар бораи саргузашти сайёҳон дар кӯҳистони кишвар нақл мекунад, гуфт раиси "Тоҷикфилм", Маҳмадсаид Шоҳиён.

Мушаххас шуд, ки кадом мақомдорони милиса муҳоҷирро метавонанд ихроҷ кунанд

Сар аз 5 феврал як қатор кормандони ВКД метавонанд шаҳрвандони хориҷиро аз Федератсияи Русия бидуни мурофиа ихроҷ кунанд, аз ҷумла:
сардорон ва муовинони сарони мақомоти ҳокимияти давлатӣ дар минтақаҳо;
мудирони шӯъбаҳои муҳоҷират ва муовинони онҳо;
мудирони шӯъбаҳои назорати маводи нашъаовар;
сардорони шуъбаҳои пулиси роҳ ва ҷонишинони онҳо.
Муҳоҷирон имкон дорад барои риоя накардани қоидаҳои вуруд, нақзи қоидаҳои будубош ё иқомат дар Русия ихроҷ шаванд.

4 феврали 1945 сарони се давлати зиддигитлерӣ — ИҶШС, Британия Кабир ва ИМА дар Ялта вохӯрданд

Дар конфронс нақшаҳои торумори Олмони фашистӣ ва тартиботи баъдиҷангии ҷаҳон муҳокима шуд.
Рузвелт сараввал дар Шотландия, нуқтаи мобайнии байни Русия ва ИМА гузаронидани мулоқотро пешниҳод кард.
Аммо Сталин бо баҳонаи нақши худ дар роҳбарӣ ба ҳуҷуми Артиши Сурх ин пешниҳодро рад кард.
Дар арафаи вохӯрӣ 4 полки комиссариати халқии корҳои дохилӣ (НКВД) ва беш аз 160 ҳавопаймои ҷангӣ ба Қрим интиқол дода шуда, киштиҳои ҷангии флоти Баҳри Сиёҳ ба минтақаи соҳилӣ баргардонида шуд.
Вақте ки ҳайатҳо омаданд, Сталин Рузвелти бемории вазнин доштаро дар Қасри Ливадия, ки конфронс дар он ҷо бар