Дар Кӯлоб панҷ узви як хонавода заҳролуд шуданд.

Дар ин бора КҲФ хабар дода, афзуд, ки заҳролудшудагон сокинони деҳаи Файзови ноҳияи Восеъ мебошанд.
Манбаъ сабаби заҳролуд шудани онҳоро зикр накард, танҳо иттилоъ дод, ки ҳар панҷ нафар феълан дар беморхонаи марказии ноҳияи Восеъ бистарӣ ҳастанд ва табибон вазъи онҳоро муътадил арзёбӣ мекунанд.
Бузургтарин миёни заҳролудшудагон 36 - сола буда, кӯчактаринаш ҳамагӣ 6 - сола аст, таъкид дошт КҲФ.

Ҷарроҳиҳои мураккаби барқарорсозии шунавоӣ дар Тоҷикистон имконпазир гардидаст.

Дар ин бора Вазорати тандурустии кишвар иттилоъ дода, афзуд, ки шунавоии ҳама нафарони ҷарроҳишуда барқарор гардидаст.
Агар шахси камшунаво ва ношунавои мутлақ ҳарчи зудтар муроҷиат кунад, ҳамон қадар табобати бемор осонтар мешавад, иттилоъ додаст Вазорат.

Рустами Эмомалӣ хостори санҷиши кори шаҳрдории Душанбе шуд.

Бо мақсади таъмини шаффофият ва самаранокии истифодаи мақсадноки маблағҳои буҷетӣ аз Палатаи ҳисоби Тоҷикисто дархост шудаст, ки фаъолияти молиявию хоҷагидории мақомот дар соли 2024 санҷида шавад, иттилоъ дод шаҳрдорӣ.

Раисиҷумҳури Кореяи ҷанубӣ дар талоши сеюм боздошт шуд.

Юн Сок Ёл тасмим гирифт, ки мустақилона барои бозпурсӣ ба Раёсати тафтишоти мубориза бо фасоди молӣ биёяд. Пеш аз ин маъмурон талоши боздошти ӯ карда буданд, аммо муҳофизонаш иҷозаи вуруд надода буданд.
Вай ҳангоми аз манзилаш баромадан, ба тарафдоронаш муроҷиат карда, эълон кард, ки таъқиби ӯ ғайриқонунӣ аст.
"Мутаассифона, дар кишвари мо низоми ҳуқуқӣ комилан хароб шудааст", - гуфт ӯ.
Раисиҷумҳури Кореяи ҷанубӣ ба шӯриш, сӯиистифода аз қудрат ва фасод муттаҳам мешавад. Рӯзи 4 декабр ӯ дар кишвар вазъи ҳарбӣ эълон кард, аммо порлумон тасмими ӯро лағв кард ва ба раҳбари ин кишвар импичмент эълон кард.

Рақибони мунтахаби ҷавонони Тоҷикистон дар ҷамъомади таълимиву тамринӣ дар Туркия муайян шуданд.

Дар омодагӣ ба финали Ҷоми Осиё-2025 бо тимҳои зерин бозӣ мекунанд:
15 январ - бо тими туркии "Манавгат Беледиеспор";
17.01 - бо "Шахтёр"-и Украина;
21.01 - бо тими миллии Кувайт;
23.01 - аз Академия "Краснодар".

Парвози нахустин дар масири Душанбе-Панҷакент то 16 январ ба таъхир гузошта шуд.

Ширкати "Тоҷик Эйр" дар шарҳи таъхиркорӣ иттилоъ дод. ки сабаб номусоид шудани боду ҳаво мебошад.

Нурулло Алиев, размикори тоҷик барои набардаш бо Ҷо Солетски $40 000 ба даст овардааст.

Ба асоси додаҳои пойгоҳи Sporty Malares аз ин маблағ 18 ҳазор барои баромад, 18 ҳазор барои ғалаба ва 4 ҳазор бонуси сарпарастӣ мебошад.
Аммо ҳарифаш, ки бохт як баробар бештар аз ӯ пул гирифтааст.

Фардо дар Душанбе мулоқоти Эмомалӣ Раҳмон ва Масъуд Пезешкиён баргузор мешавад.

Кадом президентҳои дигари Эрон дар 30 соли охир аз Тоҷикистон дидан кардаанд ва кай - нигаред ба тасвирбаёни Sputnik Тоҷикистон.

Илон Маск метавонад TikTok-ро харад.

Ба навиштаи Bloomberg, яке аз ин имконоти эҳтимолиро ширкати чинии ByteDance, ки соҳиби шабакаи иҷтимоӣ аст, баррасӣ мекунад.
Ва ҳама ба далели қонуне, ки баҳори соли гузашта аз ҷониби Конгресси ИМА қабул шуда буд, ки Чинро вазифадор мекунад, платформаро ба як ширкати холдинги амрикоӣ фурӯшад, то аз манъи TikTok дар Иёлоти Муттаҳида танҳо дар панҷ рӯз ҷилавгирӣ шавад.
Ва ҳарчанд ByteDance борҳо изҳор доштааст, ки нияти фурӯши ин платформаро надорад ва "бар зидди мамнӯъиятҳо мубориза мебарад", Додгоҳи олии ИМА ба эҳтимоли зиёд бо мақомоти Амрико ҷонибдорӣ карда, шабакаи иҷтимоиро манъ мекунад.

Дар Душанбе Форуми олимону пажӯҳишгарони Тоҷикистону Эрон баргузор мегардад.

Академияи улуми Тоҷикистон иттилоъ дод, ки рӯзҳои 15-16 январ дар пойтвахт форуми мазкур доир мегардад.
Дар ҳошияи форум иштирокчиён бо якчанд муассисаи илмии Академияи миллии илмҳои Тоҷикистон шинос мешаванд.
Ҳамзамон меҳмонони форум мавзеъҳои таърихию фарҳангии шаҳри Ҳисорро тамошо мекунанд.

Зарари сӯхтори ҷангалoҳои Калифорния беш аз $250 млрд ташкил медиҳад

Ин маълумотро AccuWeather расонаӣ кард..
Манбаъ зикр намуд, ки хисорот аз тӯфони "Ҳелен" дар соли 2024 ва тамоми мавсими оташсӯзии ҷангал дар соли 2020 ба маротиб бештар аст.

Трамп: тавофуқ миёни Ҳамос ва Исроил ба зудӣ ҳосил мешавад.

"Мо хеле наздик ҳастем, ки ин корро анҷом диҳем. Онҳо бояд ин корро анҷом диҳанд. Агар ин корро накунанд, дар он ҷо мушкилоти зиёде пеш хоҳад омад, ки қаблан надида буданд. Онҳо ин корро анҷом хоҳанд дод", - гуфт Трамп.
Вай афзуд, медонад, ки "дастфишорӣ буд ва онҳо дар марҳалаи анҷомдиҳӣ ҳастанд, шояд то охири ҳафта, ин бояд сурат бигирад".

Лавров гуфт, Амрико намехоҳад дар ягон соҳа рақиб дошта бошад.

Дипломати рус дар нишасти хабарӣ зикр намуд, ки агар Трамп "Амрикоро боз ҳам бузургтар кунад", пас бояд ба усулҳои расидан ба ин ҳадаф бодиққат назар кард.

Дар Қазоқистон як мард занеро ҳамроҳ бо волидонаш гаравгон гирифт.

Ҳодиса дар вилояти Актюбе рух дод, хабар медиҳад @sputnikKZ.
Ҳарчанд амалиёти раҳоии гаравгонҳо муваффақ анҷом ёфт, вале зани 67 - сола дар мошини ёрии таъҷилӣ ҷон бохту марди 75 - сола ҳангоми ҷарроҳӣ дар беморхона ба ҳалокат расид.
Пизишкон вазъи зани дигарро муътадил арзёбӣ мекунанд, ҳарчанд ҷароҳатҳои зиёди буридашуда дорад.
Ҳоло ҳадафи ҷинояткор ошкор нашудааст.

Бошгоҳи “Истиқлол” шартномаро бо се бозигари хориҷӣ тамдид накард.

Инҳо ҳимоятгари македонӣ Дарко Илиески, ҳамлагарон Димитар Митков (Болгария) ва Франческо Марҷиотта (Италия) мебошанд.
Дафтари матбуоти бошгоҳ сабаби тамдид нашудани шартномаро нагуфт, танҳо зикр кард, ки ин се бозигари хориҷӣ фаъолияти худро дар дигар дастаҳо идома медиҳанд.

Зани 21 - сола манзилашро дар ноҳияи Рӯдакӣ ба фоҳишахона табдил дод.

Милитсияи пойтахт дар шарҳи хабари дастгир шудани сокини 21 - солаи ноҳияи Рӯдакӣ иттилоъ дод, ки номбурда қаблан барои содир кардани ҷиноятӣ дуздӣ ва қасдан расонидани зарари вазнин ба саломатӣ доғи судӣ дорад.
Ҳоло нисбати ин зан маводҳои зарурӣ тартиб дода шуда, мавриди тафтиш қарор дорад.