Дар Кӯлоб панҷ узви як хонавода заҳролуд шуданд.

Дар ин бора КҲФ хабар дода, афзуд, ки заҳролудшудагон сокинони деҳаи Файзови ноҳияи Восеъ мебошанд.
Манбаъ сабаби заҳролуд шудани онҳоро зикр накард, танҳо иттилоъ дод, ки ҳар панҷ нафар феълан дар беморхонаи марказии ноҳияи Восеъ бистарӣ ҳастанд ва табибон вазъи онҳоро муътадил арзёбӣ мекунанд.
Бузургтарин миёни заҳролудшудагон 36 - сола буда, кӯчактаринаш ҳамагӣ 6 - сола аст, таъкид дошт КҲФ.

Дар Донишгоҳи милли Тоҷикистон 385 шаҳрванди хориҷӣ таҳсил мекунанд.

Дар ин бора ректори донишгоҳи мазкур Эмомалӣ Настриддинзода дар нишасти хабарӣ иттилоъ дод.
Ба гуфтаи ӯ, шаҳрвандони хориҷӣ дар ин донишгоҳ ҳамчун, донишҷӯ, магистр, докторанти анъанавӣ, унвонҷӯ, муҳаққиқ-коромӯз ва доктор Ph.D таҳсил мекунанд.

СММ бори дигар аз Тоҷикистон даъват кард, ки ихроҷи афғонҳоро қатъ кунад.

Оҷонсӣ дар умури паноҳандагон гуфтааст, ки ихроҷи афроде, ки зери хатари нақзи ҳуқуқи башар қарор доранд, ҳатто хилофи қонунҳои Тоҷикистон аст.

Дар Тоҷикистон 30 нафар бар асари ҳодисаҳои нохуш ба ҳалокат расидаанд.

Ин оморро Хадамоти назорати давлатии бехатарии корҳо дар саноат ва соҳаи кӯҳкорӣ зимни нишасти матбуотии ниҳодаш ироа кард.
Иттилоъ дода шуд, ки соли гузашта бар асари 48 ҳодисаи нохуш 30 нафар ҷон бохта, ҳамчунин 26 тани дигар ҷароҳатдор шуданд.
Хадамоти мазкур иллати рух додани ҳодисаҳои нохушро бемасъулиятии муҳандисони техникии корхонаҳо, беаҳамиятии худи коргарон, риоя нашудани қоидаҳои бехатарӣ ва надоштани мутахассисони соҳавӣ арзёбӣ кард.

Дар фурудгоҳи Челябинск асал ва қурут аз Тоҷикистон мусодира шуд.

Тӯли як ҳафта сокинони Хуҷанду Душанбе кӯшиш карданд, чанд кило маҳсулоти бидуни сертификати бехатариро ба ин минтақа ворид кунанд, хабар дод дафтари матбуоти Раёсати Росселхознадзор дар Урал.

Барои ҷалби сармоя маълумоти махфӣ дар бораи кони тилою волфрам дар Рӯшон ошкор карда мешавад.

Далели баровардани захоири кони "Икар" аз феҳрасти махфӣ ҷалби маблағгузорӣ ба коркарди он мебошад, иттилоъ дод Саридораи геология.
Кон дар водии Баҷув дар Рӯшон ҷойгир буда, гуфта мешавад дар баробари тилою волфрам инчунин уран низ дорад.

Фишори иқтисодӣ бар Русия метавонад ё афзоиш ёбад ё қисман бардошта шавад.

Ҳамааш аз ангезаҳои амалҳои Ғарб вобаста аст, гуфт мудири Хадамоти истихбороти хориҷии Русия, Сергей Наришкин ба РИА Новости.
Лоббистҳои ашадии таҳримҳо эътироф мекунанд, ки иқтисоди Русия ба шароити нав мутобиқ шудааст ва мунтазам рушд мекунад, афзуд ӯ.

Геологҳои Тоҷикистону Русия якҷоя омӯзишҳои умқи замин мегузаронанд.

Саридораи геологияи Тоҷикистон гуфт, санади ҳамкорӣ бо идораи геологии Русия имзо шуда, алакай корҳои амалӣ гузаронда шуда истодаанд.
Алакай дар якҷоягӣ майдони ояндадор кашф кардаанд, иттилоъ доданд масъулини геологияи тоҷик ва афзуданд, ки вобаста ба истифодаи барномаҳои муосири геологӣ бо ҷониби Русия ҳамкориҳоро таҳким мебахшанд.

Тоҷикистону Қирғизистон ҳамкориро дар соҳаи энергетика таҳким мебахшанд.

Ин нукта дар Тошканд зимни мулоқоти вазирони энергетикии Тоҷикистону Қирғизистон, Далер Ҷумъа ва Таалайбек Ибраев таъкид шуд.
Дар меҳвари суҳбат дурнамои густариши ҳамкориҳои кишварҳо дар соҳаи энергетика, аз ҷумла дар доираи Лоиҳаи минтақавии хати интиқоли барқи CASA-1000 қарор гирифт, афзуд Вазорати энергетикаи Тоҷикистон.

Нархи рубл дар Тоҷикистон боло рафт.

Ҳамзамон арзиши евро низ дар бозори арзи кишвар майли болоравӣ дошта, доллар баръакс поин рафт.
Тафсилоти бештар дар тасвирбаён.

Русия сохтмони Театри драмавии русиро дар Душанбе оғоз кардаст.

Алакай созишнома байни корхонаи "Фармоишгари ягона дар соҳаи сохтмон"-и Русия ва ширкати сохтмонии тоҷикистонӣ - "Интерсохтмон" ба имзо расид, иттилоъ дод Вазорати фарҳанги кишвар.
Манбаъ афзуд, ки барои бунёди театр дар кӯчаи Маяковскийи пойтахт 1 га замин ҷудо шудаст.

81 сол муқаддам муҳосираи Ленинград рахна шуд.

Шаҳр ва сокинони он 872 рӯз - аз 8 сентябри соли 1941 то 27 январи соли 1944 дар муҳосира буданд.
Моҳи октябри соли 2022 додгоҳи Санкт-Петербург муҳосираро ҷинояти ҷангӣ ва наслкушии мардуми шӯравӣ эътироф кард.
Додгоҳ тасдиқ кард, ки муҳосира аз ҷониби нерӯҳои истилогари Олмон ва шарикони онҳо - воҳидҳои мусаллаҳи Белгия, Италия, Испания, Нидерландия, Норвегия ва Финляндия, инчунин ихтиёриёни инфиродӣ аз ҳисоби австриягиҳо, латвиягиҳо, лаҳистониҳо, фаронсавиҳо ва чехҳо анҷом дода шуд.
Рақамҳои даҳшатовар эълон карда шуданд:
Теъдоди фавтидагон аз 1 млн нафар зиёд аст - 1,5 маротиба бештар аз омори қаблӣ;
хисорот ба Ленинград ва сокинони

СҲШ нақшаи чорабиниҳо барои афзоиши ҳисоббаробаркуниҳо бо пулҳои миллиро қабул кард.

Дар ҳоли ҳозир дар сатҳи коршиносон корҳои мушаххас анҷом дода мешаванд, изҳор дошт дабири кулли созмон.
"Онҳо масъалаи таъмини инфрасохтори пардохт ва ворид кардани тағйироти заруриро ба қонунгузорӣ баррасӣ мекунанд. Пас аз он механизмҳо ва ниҳодҳои зарурӣ амалӣ хоҳанд шуд", - гуфт Нурлан Эрмекбоев,
Кишварҳои СҲШ ҳамчунин механизмҳои иловагии татбиқи лоиҳаҳои сармоягузорӣ ва лоиҳаҳо дар соҳаи ҳамкориҳои саноатиро баррасӣ мекунанд.

Ин кофӣ нест: Трамп аз натиҷаҳои депорти муҳоҷирон розӣ нест.

Президенти ИМА талаб кард, ки шумораи муҳоҷирони ғайриқонунии боздоштшуда зиёд карда шавад.
То 1,2 - 1,5 хазор нафар дар як рӯз расонда шавад, иттилоъ доданд расонаҳои амрикоӣ.

Панҷяки нерӯи барқи тавлидшуда дар Тоҷикистон талаф ёфтаст.

Талафоти нерӯи барқ дар низоми энергетикӣ соли гузашта ба 4,5 млрд кВт-соат ё 20% баробар гардид, ки нисбати соли қаблӣ 1,2% кам мебошад, иттилоъ дод мақомоти тоҷик.

СҲШ феҳристи афроди дар ҷустуҷӯ барои ҷиноятҳои террористиро таъсис додааст.

Дабири кулли созмон Нурлан Эрмекбоев гуфт, ҳамчунин феҳристи умумии гурӯҳҳои террористӣ ва ифротӣ дар кишварҳои СҲШ таҳия шудст.
"Барои мубориза бо терроризм, ифротгароӣ ва сепаратизм дар СҲШ як ниҳоди доимӣ - Сохтори минтақавии зиддитеррористӣ таъсис дода шудааст. Он намояндагони мақомоти ҳифзи ҳуқуқ ва сохторҳои махсуси тамоми кишварҳои узвро муттаҳид мекунад", - изҳор дошт ӯ.

Раҳмон ба Лукашенко занг заду бо пирӯзии дигарборааш дар интихоботи президентӣ шодбош гуфт.

Раисҷумҳури Тоҷикистон ба ҳамтои белорусаш, сиҳатмандии комилу комёбиҳои навин бар нафъи рушду пешравии минбаъдаи мардуми Беларус орзу намуд.
Эмомалӣ Раҳмон саҳми Александр Лукашенкоро дар таҳкиму тавсеаи муносибатҳои байнидавлатии Тоҷикистону Беларус таъкид намуд.

Мишустин қарори боло бурдани пардохтҳои иҷтимоиро имзо кард.

Тибқи ин санад, пардохтҳо ба андозаи 9,5% аз 1 феврал афзоиш меёбанд.
Дар моҳи феврал зиёда аз 40 имтиёз ва пардохтҳои гуногун зиёд карда мешаванд

Сатҳи бекорӣ дар Иттиҳоди иқтисодии АвруОсиё ба таври назаррас коҳиш ёфтааст.

Тибқи маълумоти охирин дар кишварҳои узви ИИАО ба ҳолати ноябри соли гузашта 659,3 ҳазор нафар бекор буданд.
Ин нисбат ба як соли қабл 18,1% камтар аст, итилоъ дод Комиссияи иқтисодии АвруОсиё.

Ғарб ҷашни Ғалабаро халалдор карданист - Наришкин

Ғарб саъй дорад ширкати президентҳои як қатор кишварҳоро дар таҷлили 80-умин солгарди Ғалаба дар Маскав халалдор созад.
Дар ин бора роҳбари Хадамоти истихбороти хориҷии Русия, Сергей Наришкин иттилоъ дод.
"Ин кӯшишҳо яке аз самтҳои афзалиятноки фаъолияти департаментҳои сиёсати хориҷӣ ва хадамоти махсуси кишварҳои ғарбӣ мебошанд. Аммо онҳо ба ин ноил намешаванд!", - таъкид кард ӯ.
Ёдовар мешавем, ки Путин раҳбарони ИДМ-ро барои таҷлили 80-умин солгарди Ғалаба дар Ҷанги Бузурги Ватанӣ ба Маскав даъват кард.

"Ин изҳороти афроди ноогоҳ аз таърих аст", - вокуниш кард вазири фарҳанги Тоҷикистон ба матлаби CNN.

Дар матлаб як зумра олимони барҷастаи Шарқи асримиёнагӣ, аз ҷумла табиби маъруф Ибни Сино (Авиценна) ва астроном Ал-Беруниро олимони узбек номиданд.
Ба гуфтаи Матлубахон Сатториён, ин иддао изҳороти расмии давлати ҳамсоя нест ва худи мавод таҳрифи воқеият аст.
Ин изҳороти афродест, ки манобеи таърихиро нодида мегиранд, таъкид кард вазир.