Ҳамиди Хуросонӣ, фармондеҳи тоҷиктабори толибон* аз Эмомалӣ Раҳмон узр хост.

Қаблан, ин фармондеҳи тоҷиктабор бар зидди Тоҷикистон “ҷиҳод” эълон карда буд, аммо ҳоло бо нашри як видео изҳор дошт, ки бар асоси иттилооти ғалат он замон шинохти дуруст аз мардум ва раисҷумҳури Тоҷикистонро надошт.
“Бар асари таҳқиқот ва иттилооте, ки мо дарёфт кардем, давлати Тоҷикистон як давлати исломӣ ва мардумаш мардуми мусулмон ҳастанд. Дар тӯли таърих тоҷикон ва мардуми Тоҷикистон ифтихороте овардаанд, ки содиқона бигӯям, ҳеҷ қавми дигар надошт”, - мегӯяд Хуросонӣ.
Ӯ зикр намуд, ки барои ҳар он чӣ ки дар гузашта гуфт қалбан аз мардуми Тоҷикистон ва давлати муҳтарамашон пӯзиш мехоҳад ва илова кард, ки То

Сокинони деҳоти Суғд аз шиддати пасти барқ шикоят доранд.

Хабарнигори @Sputnik_Tajikistan навореро сабт кард, ки шиддати пасти барқрасонӣ дар рустоҳои ноҳияи Девашти вилояти Суғдро инъикос мекунад.
Илова бар ин, сокинон мегӯянд барқрасонӣ дар шабонарӯз ба 6 соат маҳдуд шудааст.
“Рӯзона аз соати 05:00 то 08:00 ва бегоҳ аз соати 18:00 то 21:00 барқ меояд, дигар вақт барқ нест”, – иброз мекунанд, сокинони навоҳии Суғд.

Моҳи ноябр дар Русия бо рӯзҳои кории шашрӯза оғоз мешавад.

Сокинони кишвар, аз ҷумла муҳоҷирон, рӯзи шанбеи 2 ноябр низ кор хоҳанд кард.
Аммо ҳафтаи нав барои ҳама бо рӯзи истироҳат дар рӯзи душанбе ба муносибати Рӯзи Ваҳдати миллӣ оғоз мешавад.
Таътили худро бо тасвирбаёни Sputnik Тоҷикистон ба нақша гиред

Футболбозбонуи тоҷик бо тими олмонӣ шартнома баст.

Бозигари мунтахаби бонувони Тоҷикистон - Ҷонона Қурбонова бо яке аз тимҳои кишвари Олмон - "MSV Duisburg 02" шартнома ба имзо расонида, фаъолияти варзишии худро онҷо идома медиҳад, иттилоъ дод телевизиони Варзиш.

Ҳадди ақал 50 нафар қурбони борону обхезӣ дар Валенсия шудаанд.

Дар натичаи боришҳои шадид Испания дар Валенсия обхезӣ рух дод, менависад нашрияи АВС.
Расонаҳои маҳаллӣ ва корбарони шабакаҳои иҷтимоӣ наворҳои паёмадҳои офати табииро нашр мекунанд.

"Жар-птица" миёни донишҷӯёни тоҷик ғолибонро муайян кард.

Даври ниҳоии ин озмун дар мактабҳои муосири Тоҷикистону Русия дар Душанбе ва Хуҷанд доир шуд.
Ба ин давр 40 хонанда роҳхат гирифтанд, вале 21 нафари онҳо ғолиби озмун эълон шуданд, гуфт муовини директори муассисаи таълимии Хуҷанд Шоира Ишматова ба Sputnik Тоҷикистон.
Озмунро Донишгоҳи давлатии Олтой бо дастгирии Вазоратҳои маорифи Тоҷикистону Русия ташкил кардаанд.

Байден ҷонибдорони Трампро "ахлот" номид.

Раисиҷумҳури Амрико дар суҳбати онлайнӣ бо созмони ҳуқуқи башари Voto Latino дар бораи бархе амрикоиҳо чунин гуфт.
Трамп аллакай ин изҳоротро дар гирдиҳамоии пешазинтихоботии худ ба доду фарёди норозигии издиҳом шарҳ додааст.
"Ин даҳшат аст. Ӯро бубахшед, зеро худ намедонад, ки чӣ мегӯяд", - гуфт Трамп.

То охири соли равон дар ВМКБ нерӯгоҳи нави барқи обӣ фаъол мешавад.

Ба иттилои Вазорати энергетика дар деҳаи Ёгеди ноҳияи Дарвоз нерӯгоҳ бо иқтидори 275 кВт идома дорад.
Нерӯгоҳи мазкур ба шабакаи умумии барқи ВМКБ пайваст гардида, сатҳи таъминот бо нерӯи барқро беҳбуд мебахшад.

Тоҷикистонро дар Чемпионати бокси ҷаҳонӣ 9 нафар муаррифӣ мекунанд.

Мусобиқаи сатҳи ҷаҳонӣ дар шаҳри Будваи Черногория байни варзишгарони 17-18 – сола баргузҳор мегардад.
Аз Тоҷикистон ба ин мусобиқа Муинхӯҷа Муминов, Меҳроҷ Суфиҷонов, Анӯшервон Фозилов, Шодмеҳр Давлатов, Дамир Мубайлихонов, Руслан Ғафуров, Муҳаммадсултон Султонов, Баҳромбек Ҳотамов ва Зиёратшо Қосимов мераванд.
Дар ин мусобиқа 660 варзишгар аз 88 кишвар иштирок мекунанд.

Дар пайи рейд дар Химки 60 муҳоҷири меҳнатӣ депорт мешаванд.

Ба иттилои идораи пулиси вилояти Маскав, мавриди санҷиш аз ҷумла ду хобгоҳ ва як сехи истеҳсолӣ қарор гирифтанд.

Беш аз 50 млн амрикоиҳо аллакай дар интихоботи президентии пеш аз муҳлат овоз доданд.

Аз ҷумла 39% демократҳо, 36% ҷумҳурихоҳон ва 41% интихобкунандагони аз 60-сола боло ба ҷонибдорӣ аз номзади арзандаи худ раъй доданд.
Барои муқоиса, соли 2020 тақрибан 100 ҳазор нафар дар интихоботи пеш аз муҳлат овоз доданд, хабар медиҳад Axios.

Ҷабборов пешниҳоди дубора навиштани суруди миллии Қирғизистонро дастгирӣ кард.

Ӯ зикр намуд, ки суруди миллии феълӣ 33 сол дорад ва он замон кишвар тоза истиқлолият ба даст оварда буд.
Ҳамакнун, ба гуфтаи ӯ, Қирғизистон як давлати муътабар аст ва мақому таърихи ҳазорсолаи онро метавон дар гимн инъикос кард.

Дар Бохтар 14 ҳазор тон маҳсулоти “хатарнок” аз муомилот гирифта шуд.

Маркази назорати давлатии санитарию эпидемиологии шаҳр мегӯяд, дар 10 моҳи соли равон ин миқдор маҳсулот бинобар муҳлати истеъмолаш гузашта аз бозорҳо гирифта шуд.
Санҷиш дар 183 иншооти зериназоратӣ гузаронда шуда, ҳоло фаъолияти 17 иншоот муваққатан то бартараф кардани камбудиҳо боздошта шуд.

Барои сокинони Суғд ярмаркаи фурӯши ангишт баргузор мешавад.

Ҳадаф пешниҳоди маводи сӯхти арзон дар арафаи зимистон мебошад, иттилоъ дод ҳукумати вилоят.
Ярмарка-фурӯши ангишт аз 31 октябр то 2 ноябр дар шаҳру ноҳияҳои Хуҷанд, Конибодом, Истаравшан, Бобоҷон Ғафуров, Мастчоҳ, Ашт ташкил мегардад.
Дар ярмаркаи мазкур конҳои истеҳсоли ангишт бевосита ангиштро бо нархи нисбат ба бозор арзонтар пешниҳоди сокинон менамоянд, афзуд манбаъ.

Қарзи берунаи кишварҳои узви ИИАО 34 млрд доллар кам шуд.

Ба иттилои КИАО, ба ҳолати ҷамъбасти нимсолаи аввали соли равон қарзи хориҷӣ нисбат ба ҳамин давраи соли гузашта 6% коҳиш ёфт.
Коҳишёбии қарзи беруна дар аксари кишварҳои иттиҳод мушоҳида шудааст, таъкид намуд Комиссияи иқтисодии АвруОсиё.

CAFA беҳтарин иттиҳодияи Осиё эълон гардид.

Ассотсиатсияи футболи Осиёи Марказӣ соли дуюм пайиҳам беҳтарин Ассотсиатсияи минтақавии сол дар Осиё эътироф шуд.
Эълони беҳтаринҳои қора дар пойтахти Кореяи Ҷанубӣ шаҳри Сеул баргузор гардид.
CAFA соли 2015 таъсис ёфта, ҷавонтарин Ассотсиатсияи минтақавии Конфедератсияи футболи Осиё аст, ки зуд эътироф шудааст, иттилоъ дод ФФТ.
Ба Ассотсиатсияи футболи Осиёи Марказӣ федератсияҳои футболи шаш кишвар – Тоҷикистон, Афғонистон, Эрон, Қирғизистон, Туркманистон ва Ӯзбекистон шомиланд. Қароргоҳи CAFA дар шаҳри Душанбе ҷойгир аст.

Дастаи мунтахаби занонаи Тоҷикистон тими Арабистони Саудиро шикаст дод

Бонувони футболбози то 20-солаи Тоҷикистон (U-20) таҳти роҳбарии Юсуф Рабиев бозии дӯстонаро дар Ҷидда бо ҳамсолонашон аз Арабистони Саудӣ бо ҳисоби 1:0 анҷом доданд.
Голи ягона ва ғалабаоварро Нозия Абдуғаффорова, ки аз ҳайати эҳтиётӣ ба майдон баромад, дар дақиқаи 90+5-уми вохӯрӣ зад, иттилоъ дод ФФТ.
Пештар тими Тоҷикистон бар ҳамсолони худ аз Арабистони Саудӣ бо ҳисоби 2:1 пирӯз шуда буд.

Нархи доллару евро дар Тоҷикистон арзонтар шуд.

Қурби рубли Русия баръакс майли болоравӣ дорад.
Тафсилоти бештар дар тасвирбаёни Sputnik Тоҷикистон.

Барои тоҷикистониён дар Русия рақами машваратӣ фаъол шуд.

Телефони машварати ҳуқуқӣ дар назди Шӯрои ҷамъиятии назди сафорати Тоҷикистон дар Русия таъсис ёфтааст.
Корафтодагон метавонанд аз тариқи рақамҳои +7 (965) 320 55 02 муроҷиат намоянд.

Президент аз сабти 6,5 ҳазор фолбину муллои чаласавод дар Тоҷикистон гуфт.

Ба гуфтаи Эмомалӣ Раҳмон аз ҷониби мақомоти корҳои дохилӣ дар кишвар 1500 нафар шахсоне, ки ба сеҳру ҷоду ва фолбинӣ машғул буданд, ба қайд гирифта шудаанд.
Ҳамчунин зиёда аз 5000 нафар муллоҳои чаласавод барои хурофотпарастӣ дастгир гардида, ба қайди мақомоти корҳои дохилӣ гузошта шудаанд, афзуд раисҷумҳури Тоҷикистон.