Данғара - Гулистон ба роҳи намунавии "сабз" табдил меёбад.

Дар доираи лоиҳа, шоҳроҳ то 4 хат васеъ карда мешавад, гуфт вазири нақлиёти Тоҷикистон дар форуми Ҳафтаи нақлиёт 2024 дар Маскав.
Азим Иброҳим қайд кард, ки барои татбиқи он аз ҷумҳурӣ аллакай ба маблағи 40 млн доллар сармоя ҷалб шудааст.

ИИАО ҳамкориҳоро бо Эрон густариш медиҳад.

Сухан пеш аз ҳама дар бораи соҳаҳои энергетика ва нақлиёт меравад, хабар медиҳад хадамоти матбуоти КИАО.
Ҳамзамон таъкид шудааст, ки тасмими ниҳоӣ дар бораи додани мақоми нозир ба Эронро сарони кишварҳои иттиҳод дар ҷаласаи Шӯрои олӣ қабул хоҳанд кард.

Лавров: ҳамла ба Брянск бо мушакҳои ATACMS нишонаи он аст, ки Ғарб хоҳони ташдиди вазъият аст.

Дар ҳамин ҳол, тасдиқи расмии тасмими ИМА дар бораи ҳамлаи амиқ ба Русия вуҷуд надорад. Ҳама маълумот аз ВАО гирифта мешавад.
Вазири умури хориҷии Русия изҳори умедворӣ кард, ки кишварҳои ғарбӣ доктринаи навшудаи ҳастаии Федератсияи Русияро бодиққат меомӯзанд.

Ташнаро як қатра об: Муҳоҷирони тоҷик аз чуқурии 120 метр об бароварданд.

Дар деҳаи Далёни болои ноҳияи Деваштич бо арзиши қариб 400 ҳазор сомонӣ чоҳ ба кор андохта шуд, иттилоъ дод хабарнигори Sputnik Тоҷикистон.
Ин иқдом, ки бо саҳми муҳоҷирони кории муқими Русия амалӣ гардид, заминҳои хушки деҳаро пуробу сокинонро шод гардонд. Тафсилотро дар навор бубинед.

Ширкати “Алмос-Неру”-и Эрон мехощад дар Хатлон корхонаи бузурги коркарди мева созад.

Дар ин бора раҳбари ширкат Маҳдӣ Асадуллоҳпур дар дидор бо раиси вилоят изщор дошта гуфт, ки нақша доранд дар корхона 7 навъ маҳсулот истеҳсол кунанд.
“Мо вобаста ба коркарди меваи хушсифат, аз ҷумла себ манфиатдорем. Аз ин рӯ тасмим гирифтаем чунин корхонаро созем ва беш аз 500 нафар бонувони маҳаллиро ба кор фаро гирем, - афзуд Асадуллоҳпур.
Давлаталӣ Саид бо дастгирии ин иқдом гуфт, ки майдони боғот дар вилоят зиёд аст ва ҳамасола ниёз ба истеҳсолоту коркарди пурраи он пайдо мешавад.

Нерӯҳои Русия аз 6 мушаки ATACMS-и партобкардаи Украина 5 ададашро нобуд кард.

Украина шабона бо 6 мушаки ATACMS ба як иншоот дар вилояти Брянск ҳамла кардаст, иттилоъ дод Вазорати мудофиаи Русия.
Манбаъ афзуд, ки дар натиҷаи набардҳои зиддимушакӣ маҷмааҳои С-400 ва "Пантсир" панҷ мушакро сарнагун карданду ба якто осеб расонданд.
Порчаҳои мушаки осебдидаи ATACMS ба қаламрави техникии иншооти низомии вилояти Брянск афтоданд, сӯхтор ба амал омад. Талафот ва харобиҳо ба қайд гирифта нашудааст, хабар медиҳад Вазорати дифои Русия.

Таваррум дар кишварҳои ИИАО сустар мешавад – омор

Комиссияи иқтисодии Авруосиё маълумот дар бораи таваррум дар кишварҳои иттиҳодро нашр кард.
Дар охири моҳи октябр сатҳи таваррум солона чунин буд:
Арманистон – 0,6%,
Беларусь – 5,9%,
Қазоқистон – 8,5%,
Қирғизистон - 4,8%,
Русия – 8,5%.
Дар ҳама кишварҳо ба ҷуз Арманистон, тибқи оморҳо, коҳиши мизони таваррум мушоҳида мешавад.

Толибон*: Мехоҳем бо Тоҷикистон равобити нек дошта бошем.

“Аморати исломӣ бо ҳамаи кишварҳо ба шумули Тоҷикистон равобит хуб мехоҳад. Аз ин ки Тоҷикистон кишвари ҳамсоя ва мусулмон аст, мехоҳем равобит хуб дошта бошем. Ҳайати ду тараф дар ин авохир рафту омад доштаанд ва умед дорем пешрафтҳое дар ин замина дар оянда сурат гирад”, - афзуд Ҳамидулло Фитрат, муовини сухангӯи ҳукумати толибон ба "ToloNews".
Дар ҳамин ҳол мақомоти Толибон* то кунун равшан накардаанд, ки диду боздидҳо миёни мақомҳои ду кишвар дар чӣ сатҳ буда ва чӣ касоне аз ду кишвар бо ҳам дидор кардаанд.
*-гурӯҳ бараи амалҳои террористиаш таҳти таҳримҳои СММ қарор дорад.

Тоҷикистон ба тавлиди бештари нерӯи барқ ​​шурӯъ кард.

Бо вуҷуди ин, содироти он дар тӯли 10 моҳ тақрибан 3,2% коҳиш ёфтааст, хабар медиҳад Агентии омори Ҷумҳурии Тоҷикистон.
Танҳо моҳи октябри соли равон ба хориҷи кишвар ба маблағи 40,2 млн сомонӣ барқ содирот шуд.

Пулиси Душанбе 15 ноболиғи "авбош"-ро дастгир кард.

Ба иттилои Раёсати ВКД дар шаҳри Душанбе, ноболиғон дар шаҳраки 64-уми ноҳияи Фирдавсӣ муноқиша ва сангзанӣ карданд.
Манбаъ афзуд, бо ин амали худ онҳо оромиши шаҳрвандонро халалдор сохтанд.
Вобаста ба ин, нисбати волидайни ноболиғон протоколҳои маъмурӣ тартиб дода шуда, ҳамзамон корҳои фаҳмондадиҳӣ гузаронида шуд.

"Масхарабозон собиқ намешаванд".

Сиёсатмадорони ғарбӣ ба изҳороти Зеленский дар бораи имконнопазирии маҷбур кардани украиниҳо ба музокирот тамасхур мекунанд.
Ин дафъа коршиноси геополитикӣ, профессори Донишгоҳи Ҳелсинки Туомас Малинен ба таври ногаҳонӣ сухан гуфт.
Дар шабакаи иҷтимоии X, ӯ ба ҷаҳониён аз касби аслии раҳбари Украина ёдовар шуд.

Коҳиши ҷинояткории шаҳрвандони Тоҷикистон дар Русия.

Дар ин бора зимни мулоқоти роҳбарони вазоратҳои умури дохилии Тоҷикистону Русия хабар дода шуд.
"Имсол дар Русия амалҳои ғайриқонунӣ ҳам аз ҷониби шаҳрвандони Тоҷикистон ва ҳам алайҳи онҳо коҳиш ёфтааст, ки ин нишондиҳандаи муҳим аст, ки ин тамоюлро бояд мустаҳкам кард", - қайд кард Владимир Колоколтсев.
Дар идома ӯ зикр намуд, ки Русия ва Тоҷикистон табодули иттилоотро роҳандозӣ намуда, дар ҳалли муштараки мушкилоти оперативӣ таҷрибаи қобили мулоҳиза ҷамъ кардаанд.

Киев то ҳол иҷозаи зарба ба қаламрави Русия бо мушакҳои дурбурдро нагирифтааст.

Ҳамин тариқ, намояндаи Департаменти давлатии ИМА ҳангоми пурсиш дар ин бора гуфт, ки "вай маълумоти нав (дар бораи зарбаҳои дурпарвоз) надорад.
Илова бар ин рӯзномаи "The Sun" таъкид мекунад, ки Вашингтон ба тасмими Лондон дар мавриди истифода бурдани мушакҳои дурпарвози Storm Shadow монеъ мешавад, ки барои роҳнамоӣ низ технологияи амрикоиро талаб мекунад.
Қаблан ироаи иҷоза барои зарба задан бо мушакҳои дурпарвоз дар Фаронса пас аз вокуниши шадиди ВУХ Русия низ рад шуда буд.

Аз аввали моҳи ноябр то ҳол ба нуқтаҳои ҷаримагоҳҳои Душанбе беш аз ҳазор худрав фиристода шуд.

Пулиси роҳи пойтахт хабар дод, ки ин мошинҳо дар ҷараёни амалиёти "Танбашавӣ дар роҳ" боздошт шудаанд.
Аксарияти қоидавайронкуниҳои ҳаракати нақлиёт таксиҳое буданд, ки дар ҷои нодуруст меистоданд ва ба ҳаракати нақлиёт халал мерасонданд.
“Қисмати кам барои мӯҳлати гузаштаи иҷозаи сиёҳ кардани шиҳо боздошт шуд”, - шарҳ дод ниҳод.
Ба ҳамаи қоидавайронкунандагон ҷарима таъйин карда шудааст.

Дар роҳи Душанбе-Чаноқ маҳдудият ҷорӣ шуд.

IRS мегӯяд, роҳ феълан кушода аст, вале ба хотири эҷод накардани монеа ба ҳаракати дигар намуди нақлиёт гузариши фура ва автомобилҳои боркаши ядакдор муваққатан маҳдуд карда шуд.

Нақшаи даъвати ҳарбӣ дар Тоҷикистон 100% иҷро шуд.

Вазорати мудофиаи кишвар хабар дод, ки рӯзи 16-уми ноябр, дар санаи таҷлил аз Рӯзи Президенти сарбозгирӣ ба артиш 100% таъмин шуд.
Дар ҳамин ҳол, вазорат зикр кард, ҳарчанд нақшаи даъват пурра иҷро гардид, вале кори комиссияҳои даъватӣ то охири моҳи ноябр идома мекунад.

Рӯзи сеюми сафари кории Эмомалӣ Раҳмон ба Суғд аз шаҳри Хуҷанд оғоз шуд.

Дар ин ҷой ӯ нахуст Маркази саломатии “Луқмони Ҳаким”-ро боз кард, хабар дод котиботи раисҷумҳур.
Дар ин макон ҷарроҳиҳои майнаи сар, мағзи сутунмуҳра, дил ва гурда бо роҳи эндо-ҷарроҳӣ ва ҳамчунин ҷарроҳии кушодаи амрози занона, эндо-протезкунонии бемориҳои ортопедӣ, табобати амрози асаб ва барқароркунӣ ба роҳ монда шудааст.
Гуфта мешавад, ки марказ бо пешрафтатарин дастгоҳҳои тасхисиву табобатӣ муҷаҳҳаз буда, дар он табибони соҳибтаҷриба фаъолият доранд.

Исроил ба Лубнон як зарбаи дигар зад.

Расонаҳои маҳаллӣ хабар доданд, ки зарба ба як маркази тиҷоратӣ сурат гирифт, аммо Исроил иддао дорад, ки зерсохтори "Ҳизбуллоҳ"-ро задааст.
Дар пайи ин ҳодиса то кунун аз фавти ду тан гузориш мешавад.