Предыдущая публикация
(Bir ukaxonimga yozib berdim)
Olis yurtda musofir bo'lib,
Oilamning qadrini bildim.
Ayriliqdan yuragim to'lib,
Qizim, seni juda sog'indim.
Menga qolsa aslo kelmasdim,
Yonginangdan bir zum jilmasdim,
Sog'inch azobini bilmasdim,
Qizim, seni juda sog'indim.
Munchoqdayin shaxlo ko'zingni,
"Dada" degan shirin so'zingni,
Hatto bosgan tuproq izingni,
Qizim, seni juda sog'indim.
Meni bir dard aslo tark etmas,
Xayolimdan surating ketmas,
Menga faqat visoling yetmas,
Qizim, seni juda sog'indim.
Hali zamon yoningga qaytsam,
"Qizim" degan sirli so'z aytsam,
Tarqab ketar charchoqlarim ham,
Qizim, seni juda sog'indim.
Присоединяйтесь к ОК, чтобы подписаться на группу и комментировать публикации.
Нет комментариев