Предыдущая публикация
Бу кеча тушимдан чўчиб уйғондим
Тушимда устозим кулиб турибди
"Хўш Муҳаммад энди ишларинг қалай,
Айтчи ортимда не гаплар юрибди".
Марҳаматга кўпроқ келиб тур бўтам,
Қабримда лолалар ўсадими, айт.
Менга ёлғонтакам байтлар битмагин
Замон ёлғонларга тўлиб турган пайт.
Халқ дардини ёзгин, ёзолсанг агар
Бўлмаса қаламинг синдириб ташла.
Тил ёғлама бўлма, яна луттивоз,
Бугундан ҳалқ учун куйуна бошла.
Усти ялтироқнинг созига ўйнаб,
Ичида қалтираб жонинг турмасин.
Майли машхур бўлма, камтаргина бўл.
Токи ёлғонларга кунинг қолмасин.
Абдулла акам ҳам қаршимда мана!
Эркин акам сенга салом йўллайди.
Мендан шоир сира чиқмайди дема
Устозларнинг рухи сени қўллайди.
7-январ.2020
(с)Муҳаммад Азиз
Присоединяйтесь к ОК, чтобы подписаться на группу и комментировать публикации.
Нет комментариев