____
___Гўзал эди, хаёллар суриш,
___Бағрингизда дунёни кўриш.
___Қўлларимда кўтариб юриш,
___Энди менинг навбатим, Она!
___Азоб экан, "болам" деб куймоқ,
___"Жон" деб, жонни ўтларга қўймоқ.
___Қучоғимда эркалаб, суймоқ,
___Энди менинг навбатим, Она!
___Оҳ, тунларни тунларга улаб,
___Менга Ҳақдан дуолар тилаб.
___Алла айтмоқ, бошингиз силаб,
___Энди менинг навбатим, Она!
___“Ерга тушир болам”, деманг ҳеч,
___Бағрим узра ором олинг тинч.
___Вақт югурик, қолмасимдан кеч,
___Энди менинг навбатим она!
___Гуноҳ эмас, меҳрбардорлик,
___Узилмаса, риштаий дорлик.
___Сизни ўйлаб, туни бедорлик,
___Энди менинг навбатим, Она!
___Етмас калам, қарзим тузишга,
___Жоним етмас, жонфидо ишга.
___Мингдан битта қарзим узишга,
___Энди менинг навбатим, Она!
___Қўлларимда тутиб жаҳонни,
___Узоқ этсин, шул ширин онни.
___Қўйвормайман, ушоқдай жонни,
___Энди менинг навбатим, Она!
___Қўлларимда кутариб юриш,
___Энди менинг навбатим, Она!
____Ўлмасбек Самарқандий.
15 октябр, 2015 йил.
___
Присоединяйтесь к ОК, чтобы подписаться на группу и комментировать публикации.
Комментарии 7