Предыдущая публикация
Священномученик Максим Горлицкий (Сандович), пресвитер
Дни памяти
6 сентября
Священномученик Максим Сандович, называемый Горлицким, родился 19/31 января 1886 года в селе Ждынь в Подкарпатье в семье лемков-униатов. В то время эти земли входили в состав Австро-Венгерской империи. Его отец Тимофей владел большим хозяйством и состоял псаломщиком в церкви, а мать, Кристина, была домашней хозяйкой.
После окончания четырехклассной школы в соседних Горлицах Максим продолжил учебу в Ясле, а через некоторое время перешел в гимназию в городке Новы-Сонч. Там он своей глубокой верой привлек внимание своих однокашников по «Русской бурсе», организованной и поддерживаемой на добровольные пожертвования лемков. Максим имел обыкновение исполнять песнопения в честь Матери Божией, особенно на службах утрени и вечерни. Он также удивлял учащихся своим горячим стремлением стать монахом и притом в монастыре с самым строгим уставом. Сам любил часто молиться и соблюдать строгий пост.
После четырех лет учебы в гимназии Максим провел три месяца в василианском монастыре в Крехове, но его атмосфера оказалась чуждой для молодого человека. Он разочаровался в увиденной в монастыре духовной жизни. Продолжая духовные искания, в 1904 году он оставил монастырь и поступил послушником в известную своими богатыми традициями Почаевскую Лавру. Этот монастырь находился недалеко от австро-венгерской границы на российской стороне. Во время одного из своих пастырских посещений епископ Житомирский и Волынский Антоний (Храповицкий) обратил внимание на молодого и способного послушника. В награду за образцовое поведение он направил его для дальнейшего обучения в Волынскую духовную семинарию в Житомире.
Учеба в семинарии продолжалась шесть лет. После ее окончания с наилучшими результатами в 1911 г. Максим женился на дочери сельского священника села Нове-Березово близ Хайнувки Пелагее Григорук. 17 ноября 1911 г. Максим был рукоположен в священники тогда уже архиепископом Антонием (Храповицким). Владыка предложил молодому священнику трудиться на пастырской ниве в Киевской епархии, однако отец Максим твердо решил вернуться на Родину, в край лемков, среди которых росло и ширилось движение за возвращение из унии в православие. Он посвящает себя тяжелой миссионерской работе среди столь близкого ему народа.
Свое служение отец Максим начал в селе Граб на Лемковщине. Проживавшие здесь лемки решили вернуться в православие. Непосредственной причиной уже давно назревшего решения стало распоряжение местного священника-униата отца Филимона Киселевского убрать из богослужебных и метрических книг слово «православный». Вспыхнул конфликт. Епископ униатской епархии предоставил отцу Киселевскому отпуск, и он выехал в Соединенные Штаты Америки. Верующие составили и подали старосте петицию, в которой предложили на вакантное место отца Максима Сандовича, который согласился занять его, получив соответствующее назначение от епископа Черневецкого.
2 декабря 1911 года отец Максим отслужил первую литургию в селе Граб. С этого дня начались череда преследований и страданий священника. Вскоре австро-венгерским властям на него был сделан донос, и он был арестован на восемь дней. Кроме того, его обязали заплатить штраф в 400 крон. Выйдя из тюрьмы, отец Максим начал объезжать села в околице – Граб, Вышеватка, Длуге – и совершать богослужения. Постепенно он стал для своих прихожан не просто священником, но другом и признанным духовным авторитетом.
22 декабря 1911 года комиссар полиции приказал запечатать двери церкви в Грабе, но это не остановило отца Максима и он продолжал служить в частных домах. Однако 16 января 1912 года священника вновь арестовали, на этот раз на семь недель. Он был заключен в тюрьму в Ясле, а жителям села Граб было запрещено общаться с крестьянами окрестных сел. Но очередной арест не охладил миссионерский пыл священника. Отец Максим был человеком добродушным, скромным и прямолинейным. Людям, с которыми он встречался, передавался его оптимизм. Одновременно он обладал сильной волей и непреклонным характером, тем самым положительно влияя на своих собратьев.
Великим постом 1912 года отца Максима освободили из тюрьмы, однако уже 28 марта он вновь был арестован. В тот день он был вместе с матушкой в гостях у знакомого священника Игнатия Ходима в Снятине. Отца Максима арестовали, выдвинув на этот раз обвинение в шпионаже в пользу России. Причиной ареста были якобы проведенные им обмеры моста на реке Черемош. Подобные обвинения в шпионаже были предъявлены также отцу Игнатию Худиму, настоятелю прихода в Бродах, студенту юридического факультета Василю Колдре и редактору ежемесячника «Русская матица» Шимону Бендашуку. Все они были посажены в тюрьму во Львове.
Отец Максим был помещен в камеру с обыкновенными преступниками, ему было отказано в контактах с православными, и он был лишен права получать корреспонденцию. Только благодаря исключительной силе воли и мужеству отец Максим мог переносить те унижения, которым его подвергали в тюрьме. Проходили дни, недели, месяцы, а процесс все никак не начинался. Все объяснялось надеждой властей на то, что священник отречется от своих взглядов. В это время в тюрьме его посетил посланник униатского митрополита Андрея Шептицкого священник Никита Романюк. Он предложил узнику присоединиться к унии в обмен на его свободу, однако встретил решительный отказ.
Процесс начался около двух лет спустя после ареста отца Максима – 9 марта 1914 года. На скамье подсудимых он оказался вместе с тремя уже упомянутыми обвиняемыми. Судебный процесс продолжался почти три месяца и был одним из самых громких в то время. В присутствии многих зарубежных корреспондентов и большого числа любопытствующих, суд выслушал несколько сот свидетелей, многочисленных экспертов по религиозным вопросам, представителей австрийского Генерального штаба. Перед судьями вырисовалась реальная картина: обвиняемые не были виновны в предъявленных им преступлениях, они всего лишь желали открыто исповедовать не греко-католическую, а православную веру; в русском и украинском народах, проживавших за границами Австро-Венгерской империи, они видели исключительно своих братьев по вере. Судьям не удалось доказать, что они шпионили по заданию России. Важным было также ходатайство самого российского императора Николая II, архиепископа Антония (Храповицкого), а также замечательная защита адвокатов. 6 июня 1914 года суд присяжных единогласно признал подсудимых невиновными, подчеркнув, что они не занимались политикой, а их деятельность не преследовала цель изменения государственных границ Австро-Венгрии.
Уже 7 июня 1914 года отец Максим был выпущен из тюрьмы и вернулся в родную Ждынь. Другие обвиняемые на процессе, не чувствуя себя в безопасности в Галиции, выехали за границу – в Россию и Швейцарию. Тем временем отец Максим остановился у своих родственников и, несмотря на подорванное длительным заключением здоровье, продолжил пастырскую деятельность, совершая, в том числе, богослужения в Грабе. Так продолжалось только шесть недель.
1 августа 1914 года началась Первая мировая война. Снова начались аресты людей, подозреваемых в пророссийских симпатиях, а также массовые репрессии против православных верующих. Уже 4 августа отец Максим был арестован. Были конфискованы все его богослужебные книги и книги на русском, украинском и польском языках, и даже православные иконы, привезенные им когда-то из Житомира. В окружении жандармов, избитого, его повели в тюрьму в Горлицы. На следующий день австрийские жандармы арестовали его близких: беременную жену Пелагию, отца Тимофея, псаломщика, брата Николая и других членов семьи.
Горлицкая тюрьма была переполнена крестьянами со всей округи. В одной камере содержалось по 20–25 человек. Священник старался духовно ободрить и утешить всех арестованных. Смертные приговоры выносились без всякого следствия и суда. На запад все время отправлялись поезда с узниками в концентрационные лагеря Талерхоф и Терезин.
Над заключенными в горлицкой тюрьме начали собираться грозовые тучи. В условиях сложного военного положения на русском фронте австрийские власти решили остудить русофильские симпатии лемков, приговорив к смерти одного из них. Отец Максим со своим тюремным прошлым представлялся наилучшим кандидатом. Его смерть могла также положить конец зарождающемуся в среде лемков народному самосознанию.
В субботу 5 сентября в Горлицы из Зальцбурга прибыл отряд австрийских жандармов в количестве шести человек. Из Линца – ротмистр Дитрих. Вероятно, именно он лично принял решение приговорить отца Максима к смертной казни без проведения всякого следствия. Вторая, менее правдоподобная версия событий говорит о том, что казнь была совершена согласно депеше из военного штаба в Кракове, которую получили в Горлицах в 11 часов ночи.
6 сентября в пять часов утра в камеру отца Максима вошел тюремный охранник Ножиньский и велел священнику собираться в дорогу. В это же самое время находившихся в других камерах жену и отца священника препроводили в камеру, окна которой выходили на тюремный двор. А перед дверью камеры священника уже собрались ротмистр Дитрих, судейский советник Калчиньский, четыре жандарма и два солдата под командой вахмистра. В шесть часов священника вывели из камеры. Со связанными за спиной руками и завязанными глазами, ведомый под руки двумя солдатами, священник встал у стены тюремного двора в четырех шагах перед двумя жандармами из расстрельной команды. На одежде мелом было обозначено место, где находится сердце. Прежде чем раздался смертельный залп, отец Максим успел выкрикнуть: «Да живет святое православие! Да живет Святая Русь!» Затем, сраженный выстрелами, он упал на землю. Однако ни один из них не был смертельным. Поэтому руководивший казнью ротмистр Дитрих из собственного револьвера выстрелил отцу Максиму в голову. Расправа происходила на глазах его беременной жены, отца и других заключенных жителей Ждыни, наблюдавших за казнью из окон своих камер.
Тело расстрелянного было похоронено на горлицком кладбище во рву, под забором, где обычно хоронили умерших, не заслуживающих христианского погребения. Самым близким было отказано в присутствии на погребении останков. Только в 1922 году по просьбе отца, который так же, как и матушка Пелагия, прошел через концентрационный лагерь Талерхоф, тело священника было эксгумировано, положено в металлический гроб и похоронено на кладбище в Ждыни.
Отец Максим Сандович был одним из первых православных миссионеров среди лемков на территории Австро-Венгерской империи. Его смерть привела к спонтанному возвращению лемков в православие. Вскоре села Тылава и Тресчанка стали пионерами этого движения. Это вызвало также широкий отклик во всей Европе. Православные лемки всегда считали отца Максима народным героем, борцом за независимость народа и своим духовным отцом. В его честь сочиняли песни и слагали стихи. В домах лемки ставили небольшие портреты-иконки своего небесного покровителя. После Второй мировой войны иконы мученика начали появляться и в православных церквях. В память о мученической кончине отца Максима лемки совершали паломничества к месту его упокоения.
В межвоенный период 9 сентября 1934 года в 20-ю годовщину мученической смерти отца Максима в селе Чарном на Лемковщине был воздвигнут памятник святому. Инициатором его установки стал священник Константин Гаврилков, а участником торжеств стал епископ Симон (Иванов), посланец митрополита Дионисия (Валединского). Год спустя в селе было образовано церковное братство во имя Максима Сандовича.
Особенно торжественно праздновалось 70-летие мученической кончины отца Максима в Ждыни. После Божественной литургии, которую служил епископ Перемышльский и Новосондецкий Адам (Дубец), все присутствующие направились крестным ходом из церкви к могиле отца Максима, на которой была отслужена панихида.
Два года спустя архиепископ Адам освятил закладной камень на месте строительства в Горлицах нового храма Святой Троицы, который был призван стать памятником мученичества отца Максима и символом верности лемков вере своих предков. Этот храм был воздвигнут с помощью лемков из Америки и освящен в 1991 году. Спустя три года на здании районного суда в Горлицах, где некогда размещалась тюрьма, появилась скромная памятная доска с надписью: «Здесь 06.09.1914 г. погиб мученической смертью расстрелянный австрийскими жандармами о. Максим Сандович, сын лемковской земли. В 80-ю годовщину смерти – верующие лемки».
Решением Священного Синода Польской Автокефальной Православной Церкви от 7 июля 1994 года мученик Максим Сандович был причислен к лику святых. Вскоре после этого и освящения креста в Ждыни, месте его рождения, начались торжества в честь нового святого.
Торжественная канонизация о. Максима Сандовича произошла 9–10 сентября 1994 года в Ждыни и Горлицах. Мощи святого, согласно решению Священного Синода Польской Церкви, были оставлены на родовом кладбище. В Горлицах, на месте казни святого, была освящена памятная доска. Торжества собрали тысячи человек, в том числе 40 священников и много верующих из Канады, Словакии, Украины, США и Польши. Возглавлял их Предстоятель Польской Автокефальной Православной Церкви митрополит Василий. Кроме иерархов из Польши – архиепископа Белостокского и Гданьского Саввы, епископа Перемышльского и Новосондецкого Адама и епископа Люблинского и Холмского Авеля, в канонизации также участвовали архиепископ Прешовский и Словацкий Николай, архиепископ Филадельфийский и Восточно-Пенсильванский Герман и епископ Джонстауна и Американской Карпаторусской Православной Греко-Католической епархии Николай. Это была первая канонизация святого в истории Польской Автокефальной Православной Церкви.
Молитва священномученику Максиму Горлицкому
О святый священномучениче Максиме! Нескончаемаго блаженства на небеси ныне причастник еси, идеже несредственно лик Христов во славе созерцаеши, невещественныя благодати Его исполненный. Сего ради ведуще тя и защитителя обидимым и страждущым, тепле умоляем тя: моли Господа и Бога нашего Иисуса Христа исполнити сердца лемковских людей любовию к церкви их и твердости, во еже крепко держатися о вере отечестей, яко да не окаменеют сердца их, да не нападут на ня волцы еретицы и заблудят их, во еже растерзати я, ниже да совратят их козни и лукавствия демонския от пути в безводное прелести безпутие. Ей, отче, Богу возлюбленне! Воздей руце твои ко Всевышнему и умоли Его даровати нам мир и благоденствие, да не рекут нечестивии: где есть Бог их? Твоим бо мужеским исповеданием соделался еси велий молитвенник за всех память твою святую чтущих и к честным мощем твоим притекающих. Ты же выну Христа умоляеши даровати нам мир и помиловати душы нашя. Аминь.
Акафист священномученику Максиму, новомученику Лемковскому
Кондак 1
Священномученику Максиму грешнии возносим победительныя и благодарственныя хваления, не бо яко наемник, душу свою за стадо свое положи, сего ради крепость неодолимую и венец нетленен победы от руку Христа пастыреначальника прият; темже поем ему:
Радуйся, величайший Максиме, страждущым и обидимым заступниче.
Икос 1
От глубины веры твоея, юже родители твоя благочестивая, Тимофей и Христина, в тебе всадиста и тя добре воспитаста, в любви к Богу и искреннему, и в благоговении к Божественным. Сего ради да радуется земля Лемковщина, место рождества твоего, святе, и с нами купно да вопиет чаду своему:
Радуйся, отроче родителема богобоязненныма рожденное в дому благочестивом.
Радуйся, яко бо плодовитая маслина, возрасл еси окрест трапезы отца твоего.
Радуйся, Ждиние, яже якоже древний Вифлеем, ничимже меньша еси в селениих земли твоея.
Радуйся, яко от тебе просия новый священномученик, доблий оружник веры православныя.
Радуйся, земле лемковская, ибо по вековным гонением и работе, твое отроча свободи тя жертвою своею.
Радуйся, той бо утверди в тебе веру православную, яко да духом и истиною Богу поклонишися.
Радуйтеся, горы Карпатския, отонудуже Максим прииде в помощь людем лемковским.
Радуйтеся, ибо кровию своею мученическою всех вас освяти.
Радуйтеся, яко исповеданием своим люди своя в вере святей укрепи.
Радуйся, теплый молитвенниче наших времен, Бога о нас грешных умоляющий.
Радуйся, егоже прошения о почитающих тя слышатся пред престолом Вышняго.
Радуйся, ходатайствуяй о спасении рода твоего и соотечественников твоих.
Радуйся, величайший Максиме, страждущым и обидимым заступниче.
Кондак 2
Егда в монастырь латиномудрствующих вшел еси вере учитися, отвратил еси лице твое от нечестия монашествующих тамо, и от презрения их к роду твоему. Темже на гору Почаевскую потекл еси, к тихому пристанищу святыя Лавры, идеже в чистоте и целомудрии истинам святыя веры православныя поучался еси, яко да возможеши в правде Богу молитися: Аллилуиа.
Икос 2
Како возможем восхвалити твое мужество и подвиг по достоянию, святе Максиме; еда возмогут устне наша бренная составити словеса чистыя хвалы; обаче приими сие убогое приношение наше, якоже вдовы две лепте Христос прият, и не отвержи нас верою зовущих ти:
Радуйся, сатане одолети нам помагаяй.
Радуйся, душетленныя демоны, хищницам птицам подобныя, от нас прогоняяй.
Радуйся, козни еретик волконравных познавати нас научаяй.
Радуйся, их зверовидныя хищения на ум и сердца наша гнушаяйся.
Радуйся, премогаяй вся искушения.
Радуйся, крилома духа твоего мысленне нас покрываяй и сохраняяй.
Радуйся, яко споборник и заступник наш, помогаяй нам во всех нуждах.
Радуйся, крепкий совоинственниче нам противу князя в мире сем напасти творящаго.
Радуйся, мечу духа, обострен во еже разсещи лжеверие.
Радуйся, безбожия прогонителю.
Радуйся, яко уметы вся мимотекущая презревый.
Радуйся, плоть свою духу твоему покоривый.
Радуйся, величайший Максиме, страждущым и обидимым заступниче.
Кондак 3
От силы вышняго, яже осеняше тя в пастырстем твоем служении и жестоком заключении, святый священномучениче Максиме: незыблемо бо к вере святей православней прилепився, кончину твою доблественно сретил еси. Тем благодаряще Бога люди твоя присно поют Ему: Аллилуиа.
Икос 3
Любве ради к роду твоему многострадальному приял еси рукоположение во иереа, рукою блаженнейшаго иерарха Антония, и послан был еси в землю рода твоего пасти Христово стадо, смущаемое неисчетными хищники. Ныне же со бесплотными вои на небесех пребывая, слышиши от нас сицевая:
Радуйся, двери благоутробия Божия грешным отверзаяй.
Радуйся, кающымся грешником прощение от Бога подаваяй.
Радуйся, духа истины чистым сердцем получивый.
Радуйся, яко укреплься житием твоим и терпением ума, попрал еси прелесть мысленнаго сопостата.
Радуйся, щите веры, в брани противу врагов нас сохраняяй.
Радуйся, егоже тело многоценное оружием нечестивых умертвися.
Радуйся, яко в ризу, кровию твоею обагренную, Христу преставился еси.
Радуйся, конец желанный достиг, ныне лицезриши Спаса и Господа возлюбленнаго твоего.
Радуйся, пламень страстей утоляяй небесною прохладою.
Радуйся, огнь трясавицы в болезнех наших угашаяй.
Радуйся, землю окропивый кровию твоею.
Радуйся, ногама диавола поправый.
Радуйся, величайший Максиме, страждущым и обидимым заступниче.
Кондак 4
Бури сумнений и помыслов сопротивных не убойтеся, благочестивии лемковские людие, ниже да удалят вы от еже держатися крепко о вере истинней, ибо святый Максим доблественне душу свою положи, да утвердятся душы вашя во святей православней вере жертвою его. Сего ради, благодаряще о богоприятнем его исповедании, вопием Богу: Аллилуиа.
Икос 4
Слышавше о благочестии твоем, православнии люди Грабы к тебе притекоша умоляюще тя упасти их стадо благоверное; и служение сие взяв на ся, не яко наемник был еси, но пастырь истинный явился еси, душу свою за овцы полагаяй. Темже по достоянию тебе похвалы сия тебе воспеваем:
Радуйся, вся до конца претерпети, от Христа милостиваго благодать получивый.
Радуйся, яко Той укрепляше тя в лютейших муках.
Радуйся, в бедах и скорбех сущыя к заступлением святых прибегати наставляяй.
Радуйся, во всех нуждах наших к Богу обращатися нас научаяй.
Радуйся, терзания тела твоего доблественне претерпевый.
Радуйся, мужеством и терпением твоим мучителя неистовати сотворивый.
Радуйся, силу того упразднивый.
Радуйся, в любви к Богу и людем твоим Господу преставленный.
Радуйся, веры в Бога крепость явивый.
Радуйся, верныя Искупителя нашего прославляти подвизаяй.
Радуйся, образом жития твоего и смерти, многия ко Господу обративый.
Радуйся, яко долготерпением твоим венец правды на небеси приял еси.
Радуйся, величайший Максиме, страждущым и обидимым заступниче.
Кондак 5
Егда убиша тело твое, душа твоя горе возлете, во еже сопричтатися святым человеком и ангелом в превыспренних, чудное купнотворя с ними созвездие на тверди церковней, коегождо благодати яко звезда, верныя светом своим озаряющей, поющыя Богу: Аллилуиа.
Икос 5
Страстотерпчеству твоему дивятся даже маловернии и нелюбовнии, священномучениче; якоже бо отроцы святии, в пещи вавилонстей вверженныя, неуклонны во исповедании истиннаго Бога пребыша, сице и ты недвижимь был еси во исповедании веры православныя. Сего ради восхваляем мужество и терпение твое, поюще сице:
Радуйся, лукавствия диавола и ангелов его разоряющий.
Радуйся, всю силу их упраздняющий.
Радуйся, немощны их являющий.
Радуйся, творящий я ужасатися и трястися.
Радуйся, верныя ко спасению путеводящий.
Радуйся, заблуждающымся дерзостный обличителю.
Радуйся, в подвизе возвращения униатов в Церковь святую до конца отвергший себе самого.
Радуйся, ибо словеса Христовы, яко претерпевый до конца спасен будет, на тя исполнися.
Радуйся, угодниче Божий, Царствие вечное наследовавый.
Радуйся, праведнаго жития образе.
Радуйся, путь истиннаго покаяния еретиком являющий.
Радуйся, величайший Максиме, страждущым и обидимым заступниче.
Кондак 6
Воистинну виновен папа римский о заключении неправеднем твоем и умучении, величайший Максиме; от дмения бо властию своею хотяше поработити лемковския люди заблуждением своим. Обаче ведомым им тобою ко истинному свету православия, тии избавишася от козней и лукавствий онаго, и паки прицепишася к вере отцев своих, весело поюще: Аллилуиа.
Икос 6
От света изливаемаго на всех обидимых, жертвою доблественною твоею, новомучениче! Огненным бо мечем благодати Божиея вооружився, тьму лжи разгнал еси от безутешно утомляемых в сени латинских заблуждений долгия веки. Сего ради, восхваляюще Бога, дивнаго во святых своих, зовем ти:
Радуйся, горлицы светозарнейший светильниче.
Радуйся, тамо яко солнце сияющий, всех окормляя к тихому пристанищу.
Радуйся, имже сатана посрамися.
Радуйся, имже Христос прославися.
Радуйся, страстотерпцев сиятельная славо.
Радуйся, яко вещание страдания твоего радостию верныя исполняет.
Радуйся, сокровище даров изрядных Духа.
Радуйся, житием твоим Господу благоугодивый.
Радуйся, плевелы, в ниву церковную насажденныя исконным врагом человек исторгающий.
Радуйся, егоже терпение мучителем острое обличение бяше.
Радуйся, еретическия заблуждения испровергший.
Радуйся, совет нечестивых разгоняющий.
Радуйся, величайший Максиме, страждущым и обидимым заступниче.
Кондак 7
Мнозии от соотечественников твоих во узилища неправедно ввержени и убиени быша во время великия брани; аще и горькую чашу испиша, обаче мужеская жертва твоя сердца их вдохновляше, и руце и устны воздевше, Господеви православно песнь воспеша: Аллилуиа.
Икос 7
Вернии града Горлицы взяша святыя мощи твоя по блаженном отшествии твоем и честне земли предаша я, близ места убиения твоего, праведне Максиме; мощи же твоя честныя купель сотворишася, присно подавающий исцелений дарования, верою к ним притекающым и тебе зовущым:
Радуйся, с небеси на братию твою на земли призирающий.
Радуйся, о всех в помощь тебе призывающих молящийся.
Радуйся, образом жития святаго твоего последовати Христу всех нас зовущый.
Радуйся, безпредельное величие Божие именем твоим знаменующий.
Радуйся, ищущих спасение досточудный к Всевышнему окормителю.
Радуйся, по узкому и правому пути ко Христу шествовавый.
Радуйся, яко вшел еси в небесныя чертози.
Радуйся, словес еретиков отвративыйся.
Радуйся, яко исповедав святую веру Христову пред человеки, свидетеля Христа имееши пред Отцем небесным.
Радуйся, верный рабе Христов, верности ради Царствие вышнее наследивый.
Радуйся, купно со ангелы пребывающий, всех святых присный.
Радуйся, Господа Христа всею крепостию возлюбивый.
Радуйся, величайший Максиме, страждущым и обидимым заступниче.
Кондак 8
Безсердечный мучитель, извлекий тя от узкия келии и поставивый тя посреде стогны Горлицы, во еже умертвити тя. Но вся злоба и ярость его тщетны бесте, ибо вместо еже православие смертно уязвити, той содела тя мученика, в вои небесными непрестанно поюща: Аллилуиа.
Икос 8
Вся земля лемковская днесь ликовствует, наипаче же грады и веси земнаго пришельствия твоего, Максиме; святая Ждыня, идеже родился еси, благочестная Граба, идеже святыя Тайны Христовы священнодействовал еси, и честная Горлица, идеже кровь пречестную твою за Господа твоего пролиял еси. Мы же, силу ходатайства твоего за обидимых добре ведуще, благодарственне вопием ти:
Радуйся, дар исцелений от Духа приявый.
Радуйся, дар сей на пользу ближняго иждививый.
Радуйся, вся болезни врачующий.
Радуйся, от всякаго недуга избавляющий.
Радуйся, страдания в радость претворяющий.
Радуйся, вся исцеления сия во славу Божию творящий.
Радуйся, о пощадении временнаго живота твоего мучителя не умолявый.
Радуйся, яко страданьми и смертию твоею Царствие небесное приобрел еси.
Радуйся, христомученичеством твоим истинную твою любовь ко Господу явивый.
Радуйся, твердо о Господе держатися, даже до пролития крове, истинно нас учивый.
Радуйся, яко в багряницу нетления на небеси облеклся еси.
Радуйся, латиномудрствующих прельщения отвергший.
Радуйся, величайший Максиме, страждущым и обидимым заступниче.
Кондак 9
Руки и гласы возвышающе к всемогущему Богу во хвалениих и молениях, Божии безплотны ангели, удивистеся и почудистеся крепости священномученика Максима, неубоявшагося прещеньми мучителя, егоже страха не смущашеся, яко неимуща власти душу его убити. Сего ради вси чини небеснии всесильному Богу нашему поют: Аллилуиа.
Икос 9
Мзду велию в превыспренних приобрел еси от подвигоположника Христа Бога нашего, величайший Максиме, ибо течение скончал еси и веру соблюл еси. Сего ради краснословеснейшии ветии лютых времен наших, яко рыбы немы пребывают, немогуще по достоянию восхвалити тя. Мы же почитающии тя, вопием ти сице:
Радуйся, долготерпением твоим ангелов и человеков удививый.
Радуйся, смертию за Христа веру свою исповедавый.
Радуйся, крепким исповеданием твоим всех православных христиан вдохновивый.
Радуйся, твердое упование на Бога возложивый.
Радуйся, яко бодростне поспешал еси к благоуханному мνру Христа.
Радуйся, благоволение Всевышняго снискавый.
Радуйся, в дому Божии насажденная маслино.
Радуйся, высокий кедре ливанский.
Радуйся, небесных чинов радование.
Радуйся, богохульных еретик посрамление.
Радуйся, о душах овец твоих пещися рачение теплое имевый.
Радуйся, славу мира сего во юродство вменивый.
Радуйся, величайший Максиме, страждущым и обидимым заступниче.
Кондак 10
Умирая от язв твоих, богоприятный глас возвысил еси и всем во услышание провещал еси; да пребудет вера православная! Тогда мучитель смертне удари тя и чистую свою душу в руку Владыки твоего предал еси, Емуже поем вси: Аллилуиа!
Икос 10
О столпе православия, угнетаемым защитниче и ходатаю! Благодарственная приносим милостивому Спасу нашему, яко даровал есть нам таковаго великаго ходатая пред световидным Престолом Его; ибо Максим святый во славе предстоит небесному Царю, непрестанно моляся о чтущих память его и взывающих ему:
Радуйся, прежде брани усердною молитвою к Богу укрепивыйся.
Радуйся, смирен духом бывый.
Радуйся, простоту сердца имевый.
Радуйся, поборниче веры, Богови угодити паче всех избравый.
Радуйся, земле плодоносная, семя словесе Божия в себе приявшая.
Радуйся, ниво, сторичественный плод приносящая.
Радуйся, пшеницо, в муку небесному хлебу сомленная.
Радуйся, в житницы Божественныя вложенный.
Радуйся, на промысл Божий все упование твое возложивый.
Радуйся, бисер многоценный обрет, вся стяжания своя продавый и сего купивый.
Радуйся, корабль души своея в житейстем море окормивый.
Радуйся, волны и камение мори сего спасительно прошедший.
Радуйся, величайший Максиме, страждущым и обидимым заступниче.
Кондак 11
Псалмы и пеньми, и песньми духовными величаем новаго священомученика Максима; яко бо делатель верный винограда Христова, кровь его вино сотворися, веселящее сердца человеков, услаждающее вся верныя и недоумения еретиков исполняющее, немогущих православно пети Богу: Аллилуиа.
Икос 11
Вся грады и селения лемковския исполнишася света, яко возвысися Максим святый, якоже светильник благолепный, ясно сияющий светом благодати и всех путеводящий по правому и узкому пути Православия, ведущему к небесным селением. Сего ради сокрушенно вопием ему:
Радуйся, непобедимый споборниче, дарованный нам от Бога.
Радуйся, теплейший наш заступниче.
Радуйся, всею душею ко Христу прилепивыйся.
Радуйся, на высоту добродетелей возшедый.
Радуйся, мученичества многострадальнаго подвига неубоявыйся.
Радуйся, мудре, житие временное на вечное пременивый.
Радуйся, истины безбоязненный проповедниче.
Радуйся, благочестия крепкий оружниче.
Радуйся, всю душу твою Господеви освятивый.
Радуйся, вся взыграния плоти увядивый.
Радуйся, всяк недуг и болезнь исцеляти от Господа дар получивый.
Радуйся, умертвивших тя еретиков мудрейший.
Радуйся, величайший Максиме, страждущым и обидимым заступниче.
Кондак 12
Внемля глас хваления и молитв наших, величайший Максим, моли милостиваго Искупителя нашего, да возниспослет нам грешным лучезарную благодать свою, яко да просветятся сердца наша, да озарится ум наш, яко да со всеми исповедающими Триединаго Бога возопием: Аллилуиа.
Икос 12
Приидите все Церкве празднолюбцы и мучениколюбцы Христовы, и лик составите днесь, в память святаго Максима. Се бо многоценныя мощи его яко солнце утреннее просияша и седящыя во мраце озариша, сердца окаменевшая согреша. Сего ради ликующе, поем ему сицевая:
Радуйся, вся красная в мире сем преобидевший.
Радуйся, избранниче Божий.
Радуйся, веры благочестное правило.
Радуйся, верно и непорочно вся заповеди Господни сохранивый.
Радуйся, царей и императоров преславнейший.
Радуйся, мужески иго Христово носивый.
Радуйся, вся мимотекущия прелести мира сего отвергший.
Радуйся, жертву живую себе самаго Господу принесший.
Радуйся, богокрасныя правды наставниче.
Радуйся, яко тебе ради всесвятое имя Господне по всей подсолнечней прославляется.
Радуйся, пред Пресвятою Троицею наш заступниче.
Радуйся, мучениче доблий, лику преславному праведных сопричтавшыйся.
Радуйся, величайший Максиме, страждущым и обидимым заступниче.
Кондак 13
Троицы неслитное единство исповедший и живот свой за православную веру положший, и Господу своему и Владыце благоугодивший, Максим святый, ныне в лице мучеников предстоит, благолепно одеян и венцем украшен, от Христа приобретенным за подвиг его, и со всеми святыми радостно поет: Аллилуиа, Аллилуиа, Аллилуиа.
[Се́й конда́к глаго́лется три́жды.]
[Далее повторяем 1‑е икос и кондак:]
Икос 1
От глубины веры твоея, юже родители твоя благочестивая, Тимофей и Христина, в тебе всадиста и тя добре воспитаста, в любви к Богу и искреннему, и в благоговении к Божественным. Сего ради да радуется земля Лемковщина, место рождества твоего, святе, и с нами купно да вопиет чаду своему:
Радуйся, отроче родителема богобоязненныма рожденное в дому благочестивом.
Радуйся, яко бо плодовитая маслина, возрасл еси окрест трапезы отца твоего.
Радуйся, Ждиние, яже якоже древний Вифлеем, ничимже меньша еси в селениих земли твоея.
Радуйся, яко от тебе просия новый священномученик, доблий оружник веры православныя.
Радуйся, земле лемковская, ибо по вековным гонением и работе, твое отроча свободи тя жертвою своею.
Радуйся, той бо утверди в тебе веру православную, яко да духом и истиною Богу поклонишися.
Радуйтеся, горы Карпатския, отонудуже Максим прииде в помощь людем лемковским.
Радуйтеся, ибо кровию своею мученическою всех вас освяти.
Радуйтеся, яко исповеданием своим люди своя в вере святей укрепи.
Радуйся, теплый молитвенниче наших времен, Бога о нас грешных умоляющий.
Радуйся, егоже прошения о почитающих тя слышатся пред престолом Вышняго.
Радуйся, ходатайствуяй о спасении рода твоего и соотечественников твоих.
Радуйся, величайший Максиме, страждущым и обидимым заступниче.
Кондак 1
Священномученику Максиму грешнии возносим победительныя и благодарственныя хваления, не бо яко наемник, душу свою за стадо свое положи, сего ради крепость неодолимую и венец нетленен победы от руку Христа пастыреначальника прият; темже поем ему:
Радуйся, величайший Максиме, страждущым и обидимым заступниче.
Следующая публикация
Нет комментариев