Пӑрӑнаймӑн ватлăхран,
Вăл çавах килет ыран.
Кашни вăхăт вăл илемлĕ
Чунăм çеç пулсан хĕвеллĕ!
Чӑнах та ватлӑх кунӗсенчен никам та тарса пытанаймӗ. Пурнӑҫӑн кашни тапхӑрӗ пекех вӑл та хӑйӗн ҫулӗпе чуптарать. Ҫыннӑн шӑпи ҫапларах.
Ватлӑх кунӗсем ҫӑмӑлах мар, ҫапах та чунра ӑшӑ, ҫумра ҫывӑх ҫынсем пулсан вӗсем те ырӑ пулӑмсемпе савӑнтараҫҫӗ.
Юпа уйӑхӗн пӗрремӗшӗнче кашни ҫулах мучисемпе кинемейсене хисеп туса уяв паллӑ тӑваҫҫӗ. Ҫак кун аслӑ ӳсӗмри тӑванӑмӑрсене чысласа тӗрлӗ мероприяти ирттереҫҫӗ. Сител ялӗнчи клубпа библиотека ӗҫченӗсем те ватӑсене сума суса уяв саламне ҫитерчӗҫ. Культурӑра вӑй хуракансем аслӑ та чунпа пуян ҫыннамӑрсенчен нуммайӑшӗ паянхи кун килте ҫеҫ ҫӳренине, сывлӑхне кура инҫе каймашкӑн йывӑртараххине шута илсе шӑпах кашнин патӗнчех пулма тӑрӑшрӗҫ. Вĕсем пурне те ăшă та чуна çывăх ырă сăмахсемпе канлĕ ватлăх, çирĕп сывлăх, çемьере юрату, килĕшÿ сунчĕç. Илемлӗ чечек ҫыххисем, ятарласа хăйсем ăсталанă открытка тата асăнмалăх парнепе савӑнтарчӗҫ.
Тараватлă та таса чунлă ватăсем хӑнасене уяв ячĕпе юрăсем юрласа пачĕç, хăйсен пурнăçĕпе паллаштарчĕç, шÿтлĕ пулăмсем каласа кăтартрĕç. Маттур аппасемпе пиччесем хăйсене хисеп туса килнишĕн тав тума та манмарĕç. Культура ĕçченĕсене ырă сăмахсемпе пиллесе, яланах вĕсене курма хавассине пĕлтерчӗҫ. Ҫавӑн пекех хисеплӗ асатте-асаннесемпе кукаҫи кукамайсем хӑйсене ватлӑхра пулӑшса пыракансене те мухтарӗҫ. Яланах пӗрле килӗштерсе пурӑнмалла пултӑр терӗҫ.
Присоединяйтесь к ОК, чтобы подписаться на группу и комментировать публикации.
Комментарии 26