21 коньывуонэ (октябре) витиськом гажано учкисьёсмес «ОЧЕЙ ТОЛИ» серекъян-маскаръяськон ӝытэ! Та ӝыт – бадӟым кузьым удмурт калык понна, угось со Россиысь сӥё-дано артистлэн, «Шулдыр ӝыт» ансамблез кылдытӥсьлэн, тужгес но тодмо удмурт маскарчилэн АНАТОЛИЙ УШАКОВЛЭН вордскемез дырысен 65 ар тырмонлы сӥземын луоз.
Та ӝытэ тӥледыз шулдырто Очей Толилэн ӵош ужам эшъёсыз – тодмо маскарчиос:
Александр Баймурзин,
Вячеслав Цветной,
Александр Перевозчиков,
Вячеслав Байков,
Сергей Антонов,
озьы ик Алнаш калык театр но мукетъёсыз.
Чебересь кырӟанъёссэ тӥледлы кузьма «Шулдыр ӝыт» ансамбль! Серемес веросъёс, шулдыр кырӟанъёс, тунсыко тодэ ваёнъёс тӥлесьтыд мылкыддэс бурдъялозы, сюлэмдэс шунтозы.
«Тӥ но, эшъёсы мынам,
Юнме шорысь эн пирсэкъялэ…
Кема улэмды ке потэ,
Кулытозяды серекъялэ!» (Очей Толи)
Лулчеберетъя кивалтӥсь но режиссер - Наталья Ушакова.
Присоединяйтесь к ОК, чтобы подписаться на группу и комментировать публикации.
Нет комментариев