Бәхет кәрәк бит ул һәр көндә.
Тиңһеҙем, тип өҫтәп яҙайым әле,
Алыштырмам һине бер кемгә !
Әйтеп булмай быны һәр кемгә ?
Мөхәббәтем , тиеп яҙайым әле,
Һинең наҙҙарыңда йыуанам .
Аҙға ғына һине юғалтһам да,
Яна-көйә һиңә юл алам,
Мин битараф булып ҡалалмам.
Ҡояшым , тип атап яҙайым әле,
Ҡайнарлығың тоям һәр ваҡыт.
Йән йылыһын бүлешкәнде генә,
Була шулай ихлас яратып,
Ҡараштарың тора нур атып.
Һин яҙмышым , тиеп яҙайым әле,
Ғүмер юлым һиңә бәйләнгән.
Күпер һалдыҡ икәү пар йөрәккә
Уртаҡ хистән үргән сәйләндән,
Һәр бер көнөм тора бәйрәмдән!
Яҙайым әле, яҙайым бер йыр һиңә,
Татлы һүҙҙән генә торғанын .
Йырым менән һине уятырмын,
Йоҡлатҡан ҡабат йырлармын –
Тойоп йәшә шундый йыр барын,
Ихлас яратыуың булғанын
.
Вазих Фатихов .
Присоединяйтесь к ОК, чтобы подписаться на группу и комментировать публикации.
Комментарии 3