საქართველო და სამეზობლო

🔴 შურისძიება გარდაუვალია ირანის პასუხი ისრაელისთვის, რომელმაც გასულ თვეში ისმაილ ჰანია მოკლა, გარდაუვალია, თეირანი თავად გადაწყვეტს, როდის და როგორ იძიოს შური, აცხადებს ირანის სამხედრო შტაბის მეთაური მოჰამედ ბაგერი. მისი თქმით: „ირანი თავად გადაწყვეტს, როგორ და როდის იძიოს შური. წინააღმდეგობის ღერძი, მისი თითოეული წევრი – საკუთარი გეგმისა და შესაძლებლობების შესაბამისად, იძიებს შურს ისმაილ ჰანიას სისხლისთვის. ის, რაც გუშინ ვიხილეთ („ჰესბოლას“ თავდასხმა ისრაელზე), შურისძიების ნაწილია“. ისრაელისთვის „ჰამასის“ ლიდერ ჰანიას მკვლელობაზე სასტიკი პასუხის გაცემა ასევე აუცილებლად მიაჩნია ირანის საგარეო საქმეთა მინისტრ აბას არაქჩის, რომლის თქმითაც: „ირანის რეაქცია ისრაელის ტერორისტულ თავდასხმაზე თეირანში საბოლოოა და იქნება აწონილ-დაწონილი და კარგად გათვლილი. ჩვენ არ გვეშინია ესკალაციის, თუმცა, ისრაელისგან განსხვავებით, არ ვეძებთ მას“. ცნობისათვის: „ჰამასის“ ერთ-ერთი ლიდერი, 62 წლის ისმაილ ჰანია თეირანში 2024 წლის 31 ივლისს მოკლეს, სადაც ის ირანის ახლად არჩეული პრეზიდენტის, მასუდ ფეზეშქიანის ინაუგურაციას ესწრებოდა. ჰამასის განცხადებით, ის თავის ერთ-ერთ მცველთან ერთად დაიღუპა რეზიდენციაზე „სიონისტური“ საჰაერო თავდასხმის დროს.

🔴 ლარის კურსი 27 აგვისტოს საქართველოს ეროვნულმა ბანკმა ლარის კურსი აშშ დოლარის მიმართ 2,6998 GEL/$1 ნიშნულზე დაადგინა. შესაბამისად, გუშინდელთან შედარებით, ქართული ვალუტის კურსი 0,0021 ლარით გაუფასურდა. სხვა ძირითადი ვალუტების კურსი დღეისათვის ასეთია:

🌏 მსოფლიოს უძლიერესი არმიები კონფლიქტების შესწავლის ბონის საერთაშორისო ცენტრმა (BICC), რომელიც 1994 წელსაა დაფუძნებული, მსოფლიოს ქვეყნების არმიათა ახალი რეიტინგი – Global Firepower გამოაქვეყნა. GlobalFirepower (GFP) 2006 წლიდან აგროვებს უნიკალურ ინფორმაციას მსოფლიოს 145 ქვეყნის არმიებზე. მისი რეიტინგი ეფუძნება თითოეული ქვეყნის პოტენციურ უნარს, აწარმოოს ომი ხმელეთზე, ზღვასა და ჰაერში, და 60 ცალკეულ ფაქტორს ითვალისწინებს. ‼ რეიტინგში საქართველო წელს 84-ე ადგილზე განთავსდა. სამეზობლოს რეიტინგები 🇷🇺 რუსეთი - მე-2 ადგილი; 🇹🇷 თურქეთი - მე-8 ადგილი; 🇦🇿 აზერბაიჯანი - 59-ე ადგილი; 🇦🇲 სომხეთი - 102-ე ადგილი. მსოფლიოს უძლიერესი არმიების ტოპ-10 1. აშშ 2. რუსეთი 3. ჩინეთი 4. ინდოეთი 5. სამხრეთ კორეა 6. დიდი ბრიტანეთი 7. იაპონია 8. თურქეთი 9. პაკისტანი 10. იტალია მსოფლიოს ყველაზე სუსტი არმიების ხუთეული 1. ბენინი 2. სომალი 3. სურინამი 4. მოლდოვა 5. ბუტანი

🔴 განადგურებულია 11 ბოევიკი თურქეთმა ერაყის ჩრდილოეთში ტერორისტულად შერაცხული ორგანიზაცია „ქურთისტანის მუშათა პარტიის“ 11 წევრი გაანადგურა. ოპერაციის ამსახველი ვიდეო თურქულმა ინტერნეტსაიტებმა გაავრცელეს.

🔴 ბაქო-თბილისი-ჯეიჰანით გადაზიდული ნავთობი მიმდინარე წლის ივლისში ბაქო-თბილისი-ჯეიჰანის მილსადენით 2,7 მლნ ტონა ნავთობი გადაიზიდა, რაც რეკორდული მაჩვენებელია. ეს ნავთობსადენი, ჩვეულებრივ, თვეში 2,5 მლნ ტონა ნავთობს ატარებს, თუმცა ივლისში მილსადენი განსაკუთრებული დატვირთვით მუშაობდა. რაც შეეხება წლის პირველი 7 თვის მონაცემებს, მილსადენით 17,4 მლნ ტონა ნავთობი გადაიქაჩა, რაც 2,5%-ით ნაკლებია 2023 წლის ანალოგიურ პერიოდთან შედარებით. ამჟამად მილსადენი ძირითადად აზერბაიჯანულ ნავთობს ატარებს, თუმცა, ასევე იქაჩება ყაზახური და თურქმენული ნავთობიც. ცნობისათვის: ბაქო-თბილისი-ჯეიჰანის ნავთობსადენის სიგრძე 1.768 კილომეტრია, საიდანაც 443 კმ აზერბაიჯანის, 249 კმ საქართველოს და 1.076 კმ თურქეთის ტერიტორიაზე გადის. ეს არის ერთ-ერთი ყველაზე გრძელი მილსადენი მსოფლიოში. ნავთობსადენის მშენებლობა 4 მილიარდი დოლარი დაჯდა. ნავთობსადენის პროექტს 1998 წლის 29 ოქტომბერს მოეწერა ხელი ანკარაში. ხელმომწერები იყვნენ: აზერბაიჯანის პრეზიდენტი ჰეიდარ ალიევი, საქართველოს პრეზიდენტი ედუარდ შევარდნაძე, ყაზახათის პრეზიდენტი ნურსულთან ნაზარბაევი, თურქეთის პრეზიდენტი სულეიმან დემირელი და უზბეკეთის პრეზიდენტი ისლამ ქარიმოვი - აშშ-ის ენერგეტიკის მინისტრ ბილ რიჩარდსონის თანდასწრებით.

🔴 რამდენი ხორბალი ინახება ელევატორებში „საქსტატის“ ცნობით, 2024 წლის მეორე კვარტალში საქართველოს 29 ელევატორში 95 ათასი ტონა პროდუქცია ინახებოდა, რომლის 34,3%-ს ხორბალი შეადგენდა. ‼ ამ პერიოდში ელევატორებიდან გაყიდულია 80,7 მლნ ლარის ღირებულების პროდუქცია – 64,8 ათასი ტონა, საიდანაც 63,1% იმპორტირებული პროდუქცია იყო. ელევატორების მიერ საკუთარი წარმოების პროდუქციაში – როგორც მოცულობის, ისე ღირებულების მიხედვით – ჭარბობდა ხორბლის ფქვილი, რომელზეც მოდიოდა ელევატორების მიერ გაყიდული საკუთარი წარმოების პროდუქციის 86,5%. ელევატორი – მარცვლეულის შესანახი დიდი ნაგებობა, რომელიც აღჭურვილია ასაწევი, გადასატანი, გასანიავებელი, გასაშრობი და სხვა მოწყობილობებით.

🔴 ინტერნეტის სიჩქარე საქართველოში 🇬🇪 მობილური ინტერნეტის სიჩქარის მიხედვით საქართველო მსოფლიოში 68-ე ადგილზეა, ფიქსირებული ინტერნეტის სიჩქარით კი 126-ზე – ასეთია Speedtest by Ookla Global Index-ის უახლესი მონაცემები. რაც შეეხება ჩვენს სამეზობლოს, ინტერნეტის სიჩქარის მიხედვით იქ ასეთი ვითარებაა: 🇷🇺 რუსეთი: მობილური – 91-ე ადგილი, ფიქსირებული – 61-ე; 🇦🇲 სომხეთი: მობილური – 81-ე ადგილი, ფიქსირებული – 93-ე ადგილი; 🇦🇿 აზერბაიჯანი: მობილური – 49-ე ადგილი, ფიქსირებული – 109-ე; 🇹🇷 თურქეთი: მობილური – მე-60 ადგილი, ფიქსირებული – 107-ე.

⚫ აფეთქება გურჯაანში გურჯაანში გაზგასამართ სადგურზე აფეთქება მოხდა, რამაც ძლიერი ხანძარი გამოიწვია. შემთხვევის ადგილზე სადგურის თანამშრომლები და მომხმარებლები იმყოფებოდნენ. აფეთქების შედეგად დაიწვა ავტომობილი და დაშავდა ერთი ადამიანი, რომელიც გურჯაანის სავადმყოფოშია გადაყვანილი. ამ დროისათვის ცეცხლი ლიკვიდირებულია. რა გახდა აფეთქების მიზეზი, გამოძიება დაადგენს.

🔴 სპეციალური განცხადება საქართველოს პენიტენციური სამსახური ტელეარხ „მთავარის“ მიერ გავრცელებულ ინფორმაციას ეხმაურება, რომელიც ქუთაისის N2 საპატიმროში განთავსებული ბრალდებულ ნ.ბ.-ს შეეხება. როგორც სამსახურში აცხადებენ: ბრალდებული ნ.ბ. განთავსებული იყო სამეთვალყურეო კამერებით აღჭურვილ საკანში, რომლის საპირფარეშოშიც მან, ერთჯერადი სამართებლის გამოყენებით, ორივე ხელზე მიიყენა თვითდაზიანება. ნ.ბ.-ს იქვე, დაწესებულებაში ჩაუტარდა პირველადი სამედიცინო დახმარება და გადაყვანილ იქნა სამოქალაქო სექტორის კლინიკაში, სადაც მიეწოდება შესაბამისი სამედიცინო მომსახურება და იმყოფება სამედიცინო პერსონალის მუდმივი მეთვალყურეობის ქვეშ. სპეციალური პენიტენციური სამსახური მოუწოდებს ყველა საინფორმაციო საშუალებას, საზოგადოების დეზინფორმაციის თავიდან არიდების მიზნით თავი შეიკავონ დაუზუსტებელი ინფორმაციის გავრცელებისაგან. რაც შეეხება სატელევიზო სიუჟეტს, „მთავარის“ ინფორმაცია ასეთი იყო:

🔴 რა უპასუხა კობახიძემ ოპოჟურნალისტებს დღეს პრემიერმინისტრმა და პარალელურად „ქართული ოცნების" საარჩევნო შტაბის ხელმძღვანელმა ირაკლი კობახიძემ თბილისის დელეგატები წარადგინა, რის შემდეგაც მედიასთან ბრიფინგი გამართა. ტრადიციულად, ყველაზე მწვავე კითხვები მას ოპოზიციური არხების ჟურნალისტებმა დაუსვეს, როგორც „ნაცმოძრაობის“ აკრძალვაზე, ისე საფრანგეთისგან სესხის აღებასა და გავრცელებულ ხნებზე, რომ „ოცნება“ კონსტიტუციიდან 78-ე მუხლის ამოღებას აპირებს. ნახეთ მოკლე ანაკრებში, რა უპასუხა მათ კობახიძემ: ცნობისათვის: საქართველოს კონსტიტუციის 78-ე მუხლის თანახმად, რომელიც ქვეყნის „ევროპულ და ევროატლანტიკურ სტრუქტურებში ინტეგრაციას“ შეეხება, გულისხმობს იმას, რომ კონსტიტუციურმა ორგანოებმა, თავიანთი უფლებამოსილების ფარგლებში, უნდა მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად“.