საქართველო და სამეზობლო

🔴 რამდენი ბავშვი დაიბადა? მიმდინარე წლის პირველ ექვს თვეში საქართველოში 18 633 ბავშვი დაიბადა. რეგიონების მიხედვით მონაცემები ასეთია:

🔴 „ეფ-ეს-ბეს“ განცხადება 🇷🇺🇬🇧 რუსეთის „ეფ-ეს-ბემ“ (უშიშროების ფედერალურმა სამსახურმა) გაავრცელა განცხადება, რომ ხელთ აქვს დოკუმეტები, რომლებიც ბრიტანეთის მონაწილეობას ადასტურებს საერთაშორისო სამხედრო-პოლიტიკური სიტუაციის ესკალაციაში რუსეთისთვის სტრატეგიული მარცხის მიყენების მიზნით. უწყების განცხადებით, ამ ფაქტებით მტკიცდება, რომ ბრიტანელი დიპლომატების საქმიანობა რუსეთისთვის სახიფათოა. აქედან გამომდინარე, რუსეთის საგარეო საქმეთა სამინისტრომ აკრედიტაცია შეუწყვიტა ბრიტანეთის საელჩოს ექვს თანამშრომელს, „რომელთა ქმედებებშიც სადაზვერვო-ძირგამომთხრელი მუშაობის ნიშნები აღმოაჩინეს“.

🔴 საბერძნეთი ქართული „პრავის“ აღიარებას აპირებს საქართველომ და საბერძნეთმა ხელი მოაწერეს შეთანხმებას „მართვის მოწმობების ურთიერთაღიარებისა და გადაცვლის შესახებ“. ეს კი იმას ნიშნავს, რომ, მას შემდეგ, რაც მხარეები დეტალებს შეათანხმებენ და დოკუმენტი ძალაში შევა, საქართველოში გაცემული მოქმედი „პრავის“ მქონეები საბერძნეთში თეორიული ან პრაქტიკული გამოცდის ჩაბარების გარეშე მიიღებენ თანაბარი ძალის მქონე მართვის მოწმობას. ამ დროისთვის დოკუმენტის დეტალები არ საჯაროვდება, თუმცა მათზე იმ შეთანხმებით შეგვიძლია ვიმსჯელოთ, რომელიც მანამდე ესპანეთთან გაფორმდა. საქართველოსა და ესპანეთს შორის დადებული შეთანხმებით: • AM, A1, A2, A, B, B+E კლასის მართვის მოწმობების გადაცვლა თეორიული ან პრაქტიკული გამოცდების ჩაბარების გარეშე იქნება შესაძლებელი, • ხოლო C1, C1+E, C, C+E, D1, D1+E, D და D+E კლასის მართვის მოწმობების გადაცვლისათვის პირებს გამოცდის ჩაბარება ღია გზებზე მოუწევთ.

🏠 რამდენი ბინა გაიყიდა თბილისში - აგვისტოს მონაცემები წელს აგვისტოში თბილისში 3,2 ათასი ბინა გაიყიდა, რაც 5%-ით ნაკლებია შარშანდელი აგვისტოს მონაცემებზე. ირკვევა, რომ ახალაშენებულ კორპუსებში უფრო მეტი ბინა გაიყიდა, ანუ გაყიდვები 0,4%-ით გაიზარდა, ძველი ბინების გაყიდვები კი 17%-ით შემცირდა. ამასთან, ახალაშენებული ბინების საშუალო გასაყიდი ფასი: • გარეუბნებსა და ფართო ცენტრში გაიზარდა 8%-ით გაიზარდა, • ქალაქის ცენტრში - 7%-ით, • ცენტრთან ახლოს - 4%-ით. ძველი ბინების საშუალო შეწონილი გასაყიდი ფასი: • გარეუბანში გაიზარდა 10%-ით, • ქალაქის ცენტრში - 9%-ით, • ფართო ცენტრში კი 2%-ით დაიკლო.

🔴 რა ღირს ლარი? საქართველოს ეროვნულმა ბანკმა ლარის კურსი აშშ დოლარის მიმართ 2,6984 GEL/$1 ნიშნულზე დაადგინა. შესაბამისად, გუშინდელთან შედარებით, ქართული ვალუტა 0,0014 ლარით გაუფასურდა. სხვა ძირითადი ვალუტების კურსი დღეისათვის, 13 სექტემბრისთვის, ასეთია:

🔴 სირიელებმა სამიტი დატოვეს სირიის დელეგაციამ კაიროში მიმდინარე არაბთა ლიგის სამიტი დატოვა. ეს მაშინ მოხდა, როდესაც ტრიბუნაზე თურქეთის საგარეო საქმეთა მინისტრი ჰაკან ფიდანი ავიდა სიტყვის სათქმელად. ამით სირიის დელეგაციამ მათ ქვეყანაში თურქეთის ქმედებები გააპროტესტა. მათმა ნაბიჯმა არაბული ლიგის წევრებს შორის რეგიონში თურქეთის გავლენისა და სამხედრო ყოფნის შესახებ დებატები განაახლა.

🔴 კოსმიური გაფრთხილება ქართველი წინასწარმეტყველი ლელა კაკულია საკუთარ ფბ-გვერდზე გაფრთხილებას აქვეყნებს. ნახეთ, ვის ეხება ეს გაფრთხილება და რა არის მოსალოდნელი ახლო მომავალში ჩვენს ქვეყანაში. მე არც პოლიტიკოსი ვარ და არც პოლიტოლოგი, არცერთ პარტიას არ ვეკუთვნი — არც პოზიციას და არც ოპოზიციას. ვწინასწარმეტყველებ ხალხისთვის, ქვეყნებისთვის და ვიცი, რომ ეს კარგად უწყიან ადამიანებმა. ხოლო შავ ძალებს, რომელნიც ცდილობენ ჩაახშონ და დაამარცხონ წინასწარმეტყველება — ქართველი ხალხის იმედი და ასპროცენტიანი რეალობა, მინდა ვუთხრა: ‼ შადიმანებო, დედამიწაზე არ არსებობს კოსმიური ენერგიების შემჩერებელი ძალა. თქვენ ვერ შეაჩერებთ ნამდვილ წინასწარმეტყველებებს! თქვენი უარყოფითი ქმედებები უაზრობაა და ყველაფერი უკან დაგიბრუნდებათ. თქვენ ცდილობთ, წაართვათ ხალხს იმედი და რეალობა, დათესოთ შიში და პანიკა, მაგრამ არ გამოგივათ! წინასწარმეტყველებები სრულდება და თქვენი ყველა ნაბიჯი ანულირებულია უფლისგან! ნუ გავიწყდებათ, რომ წუთისოფელში ცხოვრობთ, დიახ, წუთი-სოფელში. გირჩევთ, რომ დაფიქრდეთ! *** ყველაზე დიდი მტერი, როგორც ყოველთვის, ციხის შიგნითაა. შადიმანები საკუთარი კარიერისა და ფულის გულისთვის ღალატობენ ხალხსა და ქვეყანას. ისინი ფიქრობენ, რომ სწორი პოლიტიკური ნაბიჯები გადადგეს. სიტყვას „პოლიტიკა“ ბევრია ამოფარებული, მაგრამ ვხედავ, ამ თამაშებს, ამ დიდ სიბოროტეს, კოსმოსი მალე მოუღებს ბოლოს. დღეს უჭირს საქართველოს, ამიტომაც არ დაინდობს მოღალატეებს უფალი. შადიმანები ქრებიან საქართველოდან, თუკი სადმე არიან. 🇬🇪🇬🇪🇬🇪საქართველო იბრძვის; იბრძვის ქართველი ერი, რათა გადარჩეს; ვიბრძვით, რათა ქართული მიწები არ დავუთმოთ ურჯულოებს. და ვხედავ, საქართველო იმარჯვებს!

🔴 ელჩი შეშფოთებულია 🇺🇲🇷🇺 თეთრ სახლში აღარავინ მალავს, უმაღლეს დონეზეც კი, რომ კიევში ვაშინგტონიდან დაზვერვის მონაცემები მდინარესავით მიედინებოდა და მიედინება, აცხადებს რუსეთში აშშ-ის ელჩი ანატოლი ანტონოვი. როგორც რუსი დიპლომატი ირწმუნება, შეერთებული შტატები თანდათან უფრო ღრმად ეფლობა უკრაინის კონფლიქტის ჭაობში და კიევში მილიარდობით დოლარის იარაღის გაგზავნით, რუსეთს კი ვერ აყენებს სტრატეგიულ მარცხს, არამედ ამერიკელების კეთილდღეობას აზიანებს. „ადმინისტრაცია დაჟინებით უგულებელყოფს რუსეთის ინტერესებს. დღეს სულ უფრო ხშირად საუბრობენ რუსეთის ტერიტორიის შორი რადიუსის იარაღით დაბომბვაზე. ცოტა პოლიტიკოსი თუ ახსენებს მესამე მსოფლიო ომის შესაძლებლობას, რასაც ამერიკის ხელისუფლება უხსნის გზას“, - მიაჩნია ანტონოვს.

🔴 ნავთობი და გაზი საქართველოში შარშან და წელს საქართველოში ნედლი ნავთობის მოპოვებამ 58 ათასი ტონა შეადგინა, ხოლო ბუნებრივი გაზის მოპოვებამ - 24 მლნ კუბური მეტრი. 2023-2024 წლებში სახელმწიფოს წილმა შემოსავალმა ნავთობიდან და გაზიდან 15,7 მლნ დოლარი შეადგინა, ინვესტორმა კომპანიებმა კი 31,8 მილიონი დოლარის ინვესტიცია განახორციელეს. აღსანიშნავია, რომ ყულევში მიმდინარეობს ნავთობგადამამუშავებელი ქარხნის მშენებლობა, რომლის სიმძლავრე წელიწადში 3 მლნ ტონა ნავთობი იქნება. გარდა ამისა, 2024 წლის მეორე ნახევარში დაგეგმილია 10 ათას ტონამდე ნედლი ნავთობის რეალიზაცია, მისაღები შემოსავალი კი დაახლოებით 14,5 მლნ ლარს შეადგენს.

🔴 ლარი ისევ დაეცა საქართველოს ეროვნულმა ბანკმა ლარის კურსი აშშ დოლარის მიმართ 2,6970 GEL/$1 ნიშნულზე დაადგინა. შესაბამისად, გუშინდელთან შედარებით, ქართული ვალუტა კიდევ 0,0011 ლარით გაუფასურდა. სხვა ძირითადი ვალუტების კურსი დღეისათვის, 12 სექტემბრისთვის, ასეთია: